ഐപിഎല്‍ 2023ല്‍ റോയല്‍ ചലഞ്ചേഴ്സ് ബാംഗ്ലൂരിനെതിരെ ലഖ്നൗ സൂപ്പര്‍ ജിയന്റ്‌സിന്റെ ആവേശകരമായ വിജയത്തിന് ശേഷം ആവേശഭരിതനായ മുഖ്യ പരിശീലകന്‍ ഗൗതം ഗംഭീര്‍ ചിന്നസ്വാമി സ്റ്റേഡിയത്തിലെ ആര്‍സിബി ആരാധകരോട് മിണ്ടാതിരിക്കാന്‍ ആവശ്യപ്പെട്ടു. മത്സരത്തില്‍ ലഖ്നൗവിന്റെ ചേസിലിലുടനീളം ഗംഭീര്‍ വളരെ ക്ഷുഭിതനായാണ് കാണപ്പെട്ടത്. പല കാര്യങ്ങളിലും ആക്രമണാത്മകമായി മേശയില്‍ അടിച്ച് മറ്റുമാണ് ഗംഭീര്‍ ആഘോഷിച്ചത്.
മത്സരത്തിന് ശേഷം ഗംഭീര്‍ തന്റെ സഹതാരങ്ങളില്‍ പലരെയും ആവേശഭരിതനായി കെട്ടിപ്പിടിക്കുകയും ചുണ്ടില്‍ വിരല്‍ കയറ്റി ബെംഗളൂരു കാണികളെ നിശ്ശബ്ദനാക്കുകയും ചെയ്തു. ഇതിന്റെ ചിത്രം സോഷ്യല്‍ മീഡിയയില്‍ വൈറലായിട്ടുണ്ട്. സമ്മിശ്ര പ്രതികരണങ്ങളാണ് ചിത്രത്തിന് ലഭിച്ചുകൊണ്ടിരിക്കുന്നത്.
കുറച്ച് ദിവസങ്ങള്‍ക്ക് മുമ്പ് മുംബൈ ഇന്ത്യന്‍സ് ഹോം സൈഡിനെതിരായ മത്സരത്തിനായി വേദിയിലേക്ക് പോയപ്പോള്‍ ഇതേ കാണികള്‍ രോഹിത് ശര്‍മ്മയെ പരിഹസിച്ചത് ശ്രദ്ധേയമാണ്. ഇതാണ് ആരാധകര്‍ പ്രധാനമായും ചൂണ്ടിക്കാണിക്കുന്നത്.
മല്‍സരത്തില്‍ നിക്കോളാസ് പൂരന്‍ വെറും 19 ബോളുകളില്‍ നിന്ന് പൂരന്‍ 62 റണ്‍സെടുത്തു. ഏഴു സിക്‌സറും നാലു ഫോറും പൂരന്റെ ഇന്നിംഗ്‌സിലുണ്ടായിരുന്നു. 213 റണ്‍സെന്ന കൂറ്റന്‍ വിജയലക്ഷ്യത്തിലേക്കു ബാറ്റ് വീശിയ ലഖ്നൗ 12ാം ഓവറില്‍ അഞ്ചിനു 105 റണ്‍സില്‍ നില്‍ക്കവെയായിരുന്നു നിക്കോളാസ് പൂരന്‍ ക്രീസിലെത്തിയത്. പിന്നീട് അദ്ദേഹം ആര്‍സിബി ബോളര്‍മാരെ പേസ്, സ്പിന്‍ വ്യത്യാസമില്ലാതെ പ്രഹരിക്കുകയായിരുന്നു.
Read more
നിക്കോളാസ് പൂരന്റെ അവിശ്വനീയ ഇന്നിംഗ്സും മാര്‍ക്കസ് സ്റ്റോയ്നിസിന്റെ ഫിഫ്ഫ്റ്റിയും തുണച്ചപ്പോള്‍ റോയല്‍ ചാലഞ്ചേഴ്സ് ബാംഗ്ലൂരിനെതിരേ അവസാന ബോളില്‍ ലഖ്നൗ ജയിച്ച് കയറി.
