ഓസ്ട്രേലിയന് താരം ഡേവിഡ് വാര്ണര്ക്ക് ചിലത് തെളിക്കാനുളളതായിരുന്നു ഈ വര്ഷത്തെ ഇന്ത്യന് പ്രീമിയര് ലീഗ്. പന്ത് ചുരണ്ടല് വിവാദത്തെ തുടര്ന്ന് ഓസീസ് ടീമിലും തുടര്ന്ന് ഐപിഎല്ലിലുമെല്ലാം ഒരു സീസണ് നഷ്ടപ്പെട്ട വാര്ണറിന്റെ തിരിച്ചുവരവായിരുന്നു ഐപിഎല് 12ാം സീസണ്.
ഐപിഎല്ലില് തിരിച്ചെത്തിയ വാര്ണര് ഏറ്റവും കൂടുതല് റണ്സ് നേടുന്ന താരത്തിനുള്ള ഓറഞ്ച് ക്യാപ്പും കൊണ്ടാണ് മടങ്ങിയത്. സണ്റൈസേഴ്സ് ഹൈദരാബാദിന് വേണ്ടി 12 മത്സരങ്ങള് ഒരു സെഞ്ച്വറിയും എട്ട് അര്ധ സെഞ്ചുറികളും ഉള്പ്പെടെ 692 റണ്സാണ് വാര്ണര് നേടിയത്.
അതെസമയം ഐപിഎല്ലിന് പുതിയൊരു ബഹുമതി നല്കിയാണ് വാര്ണര് ഇന്ത്യ വിടുന്നത്. ഐപിഎല്ലിനേക്കാള് മികച്ചൊരു ക്രിക്കറ്റ് ലീഗ് കണ്ടിട്ടില്ലെന്നാണ് വാര്ണര് പറയുന്നത്. കഴിഞ്ഞ ഒരുപാട് വര്ഷങ്ങളായി വിവിധ രാജ്യങ്ങളില് ട്വന്റി20 ലീഗ് കളിക്കുന്നുണ്ട് വാര്ണര്.
ഐപിഎല്ലില് ഓറഞ്ച് ക്യാപ്പ് നേടുന്നത് നേട്ടമായി കരുതുന്നു. അവാര്ഡിന് വേണ്ടിയല്ല കളിക്കുന്നത് വിജയിക്കുന്നതിന് വേണ്ടിയാണെന്നും വാര്ണര് കൂട്ടിച്ചേര്ത്തു.
Read more
മികച്ച വിക്കറ്റ് ഒരുക്കിയ ഹൈദരാബാദ് രാജീവ് ഗാന്ധി ഇന്റര്നാഷണല് സ്റ്റേഡിയത്തിന്റെ ക്യൂറേറ്ററോട് കടപ്പെട്ടിരിക്കുന്നു. ഈ ടൂര്ണമെന്റിന്റെ ഭാഗമാവാന് കഴിഞ്ഞത് തന്നെ വലിയനേട്ടം. ലോകത്തിലെ ഏറ്റവും മികച്ച ലീഗും ഐപിഎല് തന്നെ. വാര്ണര് പറഞ്ഞു നിര്ത്തി.