ഉത്തര്‍പ്രദേശിലെ സഹറാന്‍പൂരില്‍ മാധ്യമപ്രവര്‍ത്തകനേയും സഹോദരനേയും വീട്ടില്‍ക്കയറിച്ചെന്ന് അക്രമിസംഘം വെടിവെച്ചു കൊന്നു. ദൈനിക് ജാഗരണ്‍ പത്രത്തിന്റെ ലേഖകനായ ആശിഷ് ജന്‍വാനിയും സഹോദരന്‍ അശുതോഷുമാണ് കൊല്ലപ്പെട്ടത്. കോത്വാലി പൊലീസ് സ്റ്റേഷന്റെ അധികാരപരിധിയിലുള്ള സഹാറന്‍പൂരിലെ മാധവ്‌നഗര്‍ പ്രദേശത്താണ് സംഭവം നടന്നത്.
മാലിന്യവും കന്നുകാലി അവശിഷ്ടങ്ങളും പുറംതള്ളുന്നതിനെ ചൊല്ലിയുള്ള തര്‍ക്കത്തെത്തുടര്‍ന്നാണ് ആശിഷും സഹോദരനും വെടിയേറ്റു മരിച്ചുതെന്ന് ഫിനാന്‍ഷ്യല്‍ എക്‌സ്പ്രസ് റിപ്പോര്‍ട്ട് ചെയ്യുന്നു. സംഭവത്തില്‍ യു.പി പൊലീസ് അന്വേഷണം ആരംഭിച്ചിട്ടുണ്ട്.
ആശിഷിന്റെ അയല്‍ക്കാരാണ്‌സംഭവത്തെക്കുറിച്ച് പൊലീസിനെ അറിയിച്ചത്.ആശിഷിന്‍ന്റെ ആറ് മാസം ഗര്‍ഭിണിയായ ഭാര്യയ്ക്കും ആക്രമണത്തില്‍ പരിക്കേറ്റതായി റിപ്പോര്‍ട്ടുകളുണ്ട്.
Read more
സംഭവം നടന്ന ഉടന പ്രദേശവാസികളെല്ലാം ചേര്‍ന്ന് ആശിഷിനെയും സഹോദരനെയും ആശുപത്രിയിലെത്തിച്ചിരുന്നു. അതേസമയം, സംശയാസ്പദമായ നീക്കങ്ങളെക്കുറിച്ച് ഒരു പരിശോധന നടത്താന്‍ ആശിഷിന്റെ വസതിക്ക് സമീപത്തും പരിസരത്തും ഒരു വലിയ പോലീസ് സംഘത്തെ വിന്യസിച്ചിട്ടുണ്ട്.
