പൊതുവേദിയില്‍ സംവിധായകനില്‍ നിന്ന് അപമാനം നേരിടേണ്ടി വന്ന നടന്‍ ബിനീഷ് ബാസ്റ്റിന് പിന്തുണയുമായി സജിത മഠത്തില്‍. ഇറങ്ങിപ്പോയവര്‍ ഇറങ്ങിപ്പോകേണ്ടവര്‍ തന്നെയാണെന്നും, മനക്കരുത്തുമായി ബിനീഷ് സ്റ്റേജിലേക്ക് നടന്ന ആ നടത്തം ഇവരുടെയൊന്നും സ്വപ്നത്തില്‍ പോലും സാദ്ധ്യമല്ലെന്നും സജിത മഠത്തില്‍ ഫെയ്‌സ്ബുക്ക് കുറിപ്പില്‍ പറഞ്ഞു.
കോളജ് ഡേയില്‍ നടന്‍ ബിനീഷ് ബാസ്റ്റിനെയാണ് മുഖ്യാതിഥിയായി സംഘാടകര്‍ തീരുമാനിച്ചിരുന്നത്. മാഗസിന്‍ റിലീസിന് സംവിധായകന്‍ അനില്‍ രാധാകൃഷ്ണനെയും. എന്നാല്‍ ബിനീഷ് ബാസ്റ്റിന് വരുന്ന വേദിയില്‍ താന്‍ പങ്കെടുക്കില്ലെന്ന് അനില്‍ രാധാകൃഷ്ണന്‍ വ്യക്തമാക്കിയതോടെ സംഘാടകര്‍ വെട്ടിലായി. അനില്‍ രാധാകൃഷ്ണന്‍ മേനോന്റെ മാഗസിന്‍ റിലീസ് ചടങ്ങ് പൂര്‍ത്തിയായി അദ്ദേഹം തിരിച്ചു പോയതിന് ശേഷം ബിനീഷിനോട് എത്തിയാല്‍ മതിയെന്ന് സംഘാടകര്‍ പറഞ്ഞെങ്കിലും അദ്ദേഹം അത് വക വെച്ചില്ല. സംഘാടകരുടെ എതിര്‍പ്പ് വകവെയ്ക്കാതെ വേദിയിലെത്തിയ ബിനീഷ് സ്റ്റേജിലെ തറയില്‍ കുത്തിയിരുന്ന് പ്രതിഷേധിക്കുകയായിരുന്നു.
സംഭവത്തിന്റെ വീഡിയോ സോഷ്യല്‍ മീഡിയയില്‍ പ്രചരിച്ചതോടെ ബിനീഷ് ബാസ്റ്റിന് വന്‍ പിന്തുണയാണ് ലഭിച്ചത്.
സ്റ്റേജില്‍ കുത്തിയിരുന്ന് പ്രതിഷേധിച്ച ബിനീഷ് ബാസ്റ്റിന് സദസിനോട് സംസാരിക്കുകയും ചെയ്തു. താന്‍ എഴുതി കൊണ്ടുവന്നത് വായിക്കുകയും ചെയ്തു. വിഷമം കൊണ്ട് ചിലപ്പോഴൊക്കെ തൊണ്ട ചെറുതായി ഇടറിയെങ്കിലും പറയാനുള്ളത് പറഞ്ഞിട്ട് തന്നെയായിരുന്നു ബിനീഷ് ബാസ്റ്റിന് വേദി വിട്ടിറങ്ങിയത്.
Read more
https://www.facebook.com/sajitha.madathil/posts/10156814459651089
