'തിയേറ്ററില്‍ എന്റെ ഹൃദയം നഷ്ടപ്പെട്ടു പോയി, അത് എനിക്ക് തിരികെ തരിക'; മാളവികയോട് ആരാധകന്‍, മറുപടിയുമായി താരം

മാളവിക മോഹനനും മാത്യു തോമസും ഒന്നിച്ച ‘ക്രിസ്റ്റി’ സിനിമയ്ക്ക് മികച്ച പ്രതികരണമാണ് പ്രേക്ഷകരില്‍ നിന്നും ലഭിക്കുന്നത്. ചിത്രത്തെ കുറിച്ചുള്ള ഒരു ആരാധകന്റെ കമന്റും അതിന് മാളവിക നല്‍കിയ മറുപടിയുമാണ് ഇപ്പോള്‍ ശ്രദ്ധ നേടുന്നത്. തിയേറ്ററില്‍ തന്റെ ഹൃദയം നഷ്ടപ്പെട്ടു എന്നാണ് ആരാധകന്‍ പറയുന്നത്.

”ഹേ മാളവിക, ക്രിസ്റ്റി പ്രദര്‍ശിപ്പിക്കുന്ന തിയേറ്ററില്‍ എന്റെ ഹൃദയം നഷ്ടപ്പെട്ടു പോയി. അത് എനിക്ക് തിരികെ തരികെ. താങ്കളുടെ സാന്നിദ്ധ്യമുള്ള ഒരോ നിമിഷവും ഇഷ്ടപ്പെട്ടു” എന്നാണ് ആരാധകന്റെ ട്വീറ്റ്. അത്ഭുതം പ്രകടിപ്പിച്ച് ഹൃദയ ചിഹ്നം ചേര്‍ത്താണ് മാളവിക ഇത് റീ ട്വീറ്റ് ചെയ്തത്.

നവാഗതനായ ആല്‍വിന്‍ ഹെന്റി സംവിധാനം ചെയ്യുന്ന ചിത്രമാണ് ക്രിസ്റ്റി. പ്രശസ്ത എഴുത്തുകാരായ ബെന്യാമിനും ജി.ആര്‍ ഇന്ദുഗോപനും ചേര്‍ന്നാണ് തിരക്കഥ ഒരുക്കിയിരിക്കുന്നത്. റോക്കി മൗണ്ടെയിന്‍ സിനിമാസിന്റെ ബാനറില്‍ സജയ് സെബാസ്റ്റ്യന്‍, കണ്ണന്‍ സതീശന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.

‘പട്ടം പോലെ’, ‘ഗ്രേറ്റ് ഫാദര്‍’ എന്നീ ചിത്രങ്ങള്‍ക്കു ശേഷം മാളവികാ മോഹനന്‍ മലയാളത്തില്‍ അഭിനയിക്കുന്ന ചിത്രമാണിത്. ജോയ് മാത്യു, വിനീത് വിശ്വം രാജേഷ് മാധവന്‍, മുത്തുമണി. ജയാ എസ് കുറുപ്പ്, വീണാ നായര്‍ മഞ്ജു പത്രോസ്, സ്മിനു സിജോ, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍.