കുഞ്ചാക്കോ ബോബന് നായകനായെത്തുന്ന ‘ന്നാ താന് കേസ്കൊട്’ എന്ന ചിത്രത്തിലേക്ക് അഭിനേതാക്കളെ തേടിയുള്ള കാസ്റ്റിംഗ് കോള് വൈറലാവുന്നു. രതീഷ് ബാലകൃഷ്ണന് പൊതുവാളിന്റെ സംവിധാനത്തില് സന്തോഷ് ടി. കുരുവിളയാണ് ചിത്രം നിര്മ്മിക്കുന്നത്. ആന്ഡ്രോയ്ഡ് കുഞ്ഞപ്പന് ശേഷം ഈ ടീം വീണ്ടും ഒന്നിക്കുന്ന ചിത്രമാണിത്.
സാധാരണ കാസ്റ്റിംഗ് കോളുകളില് നിന്നും തികച്ചും വ്യത്യസ്തമായ നിര്ദേശങ്ങളും ആവശ്യങ്ങളുമാണ് ‘ന്നാ താന് കേസ്കൊട്’ സിനിമയുടെ അണിയറപ്രവര്ത്തകര് മുന്നോട്ട് വയ്ക്കുന്നത്.
ഒക്ടോബറില് ചിത്രീകരണം തുടങ്ങാന് ആവശ്യമുള്ള സാധനങ്ങള് എന്ന തലക്കെട്ടോട് കൂടിയാണ് തങ്ങള്ക്ക് വേണ്ട അഭിനേതാക്കളെ കുറിച്ച് അണിയറ പ്രവര്ത്തകര് പറയുന്നത്. രണ്ട് കള്ളന്മാര്, എട്ട് പൊലീസുകാര്, 16 വക്കീലുമാര്, ഒരു മജിസ്ട്രേറ്റ്, 3 ബെഞ്ച് ക്ലര്ക്ക്, 5 ഓട്ടോ ഡ്രൈവര്മാര്, ഒരു അംഗന്വാടി ടീച്ചര്, 1 റിട്ടയേഡ് പി.ഡബ്ല്യു.ഡി ടീച്ചര്, നാല് ഷട്ടില് കളിക്കാര്, ഒരു ബൈക്കര് എന്നിവര്ക്കൊപ്പം ഏതെങ്കിലും കേസില് കോടതി കയറിവര്, യൗവനം വിട്ടുകളയാത്ത വൃദ്ധദമ്പതികള്, മുഖ്യമന്ത്രി, മന്ത്രിയും ഭാര്യയും മന്ത്രിയുടെ പി.എയെയും വിദേശത്ത് പഠിച്ച നാട്ടിന്പുറത്തുകാരന്, തൊഴില്രഹിതര്, നിരപരാധികള് എന്നിവരെയാണ് ചിത്രത്തിലേക്ക് ക്ഷണിച്ചിരിക്കുന്നത്.
Read more
കാസര്ഗോഡ്, കണ്ണൂര്, കോഴിക്കോട് ജില്ലകളില് ജീവിക്കുന്നവരെയാണ് ചിത്രത്തിലേക്ക് വിളിച്ചിരിക്കുന്നത്. തങ്ങള് നിര്ദേശിച്ചിരിക്കുന്ന വിഭാഗത്തില് ഉള്പ്പെടുന്നുവെന്ന് സ്വയം തോന്നുന്നുന്നവര്ക്കും നാട്ടുകാര് ആരോപിക്കുന്നവര്ക്കും പങ്കെടുക്കാമെന്നും താല്പര്യമുള്ളവര് ഒരു മിനിറ്റില് കവിയാത്ത വീഡിയോയും കളര് ഫോട്ടോയും ntckmovie@gmail.com എന്ന മെയിലിലേക്ക് അയച്ചുകൊടുക്കണമെന്നും പോസ്റ്ററില് പറയുന്നു.