ഇന്ത്യൻ താരം സൂര്യകുമാർ യാദവിന് തീർച്ചയായും മികച്ച ഇപ്പോൾ അത്ര മികച്ച സമയമല്ല. ഓസ്‌ട്രേലിയയ്‌ക്കെതിരായ ഇന്ത്യയുടെ ഇപ്പോൾ സമാപിച്ച ഏകദിന പരമ്പരയിൽ താരം തുടർച്ചയായി മൂന്ന് ഗോൾഡൻ ഡക്കുകൾ നേടി. ടി20യിലെ ഏറ്റവും മികച്ച ബാറ്ററാണ് അദ്ദേഹം, എന്നാൽ 50 ഓവർ ഫോർമാറ്റിൽ സൂര്യകുമാർ ഇതുവരെ നിലയുറപ്പിച്ചിട്ടില്ല. 23 ഏകദിന മത്സരങ്ങളിൽ നിന്ന് 24.05 ശരാശരിയിൽ 433 റൺസ് മാത്രമാണ് അദ്ദേഹത്തിന് നേടാനായത്, ഇത് അദ്ദേഹത്തിന്റെ കഴിവിനേക്കാൾ വളരെ കുറവാണ്. ഏകദിന ലോകകപ്പ് വരാനിരിക്കെ സൂര്യകുമാർ യാദവിനെ ഒരു കാരണവശാലും ടീമിലേക്ക് അടുപ്പിക്കരുതെന്ന ആവശ്യവുമായി ആരാധകരിൽ ഒരു വിഭാഗം എത്തിക്കഴിഞ്ഞു.
സൂര്യകുമാർ മോശം ഘട്ടത്തിലൂടെയാണ് കടന്നുപോകുന്നതെന്ന് സമ്മതിച്ച ഇന്ത്യൻ നായകൻ രോഹിത് ശർമ്മ, പക്ഷേ മോശം ഫോമിലൂടെ കടന്നുപോകുന്ന കളിക്കാരനെ പിന്തുണച്ചു.
“ഈ പരമ്പരയിൽ മൂന്ന് മത്സരങ്ങളിൽ അവൻ മൂന്ന് പന്തുകൾ മാത്രമേ കളിച്ചിട്ടുള്ളൂ. അത് എത്രമാത്രം നോക്കണമെന്ന് എനിക്കറിയില്ല. മൂന്ന് നല്ല പന്തുകൾ അദ്ദേഹത്തിന് ലഭിച്ചു, ഇന്നത്തെ മത്സരത്തിൽ അദ്ദേഹം പുറത്തായ പന്ത് അത്ര അപകടം വിതക്കുന്ന രീതിയിൽ ഉള്ളത് ആയിരുന്നില്ല. അവന് അത് എളുപ്പത്തിൽ കളിക്കാവുന്നത് ആയിരുന്നു. അവൻ നന്നായി സ്പിൻ കളിക്കുന്ന താരം ആണെന്ന് എല്ലാവര്ക്കും അറിയാം .”
“കഴിഞ്ഞ രണ്ട് വർഷമായി ഞങ്ങൾ അത് കണ്ടു. അതുകൊണ്ടാണ് ഞങ്ങൾ അവന് അവസാന 15-20 ഓവറിൽ ആ റോൾ നൽകിയത്, അദ്ദേഹത്തിന് അവന്റെ കളി കളിക്കാൻ കഴിയും, പക്ഷേ ഇത് ശരിക്കും നിർഭാഗ്യവശാൽ അദ്ദേഹത്തിന് മൂന്ന് പന്തുകൾ മാത്രമേ കളിക്കാനാകൂ. അത് ആർക്കും സംഭവിക്കാം. അവന് നല്ല കഴിവുണ്ട്. അവൻ ഇപ്പോൾ ആ മോശം ഘട്ടത്തിലൂടെയാണ് കടന്നുപോകുന്നത്,” മത്സരശേഷം രോഹിത് പറഞ്ഞു.
Read more
ഓസ്‌ട്രേലിയയ്‌ക്കെതിരായ ആദ്യ മത്സരത്തിൽ മിച്ചൽ സ്റ്റാർക്കിന്റെ ഇൻസ്‌വിങ്ങിംഗ് പന്തിൽ സൂര്യകുമാർ സ്റ്റമ്പിന് മുന്നിൽ കുടുങ്ങി. രണ്ടാം ഏകദിനത്തിലും അതേ ബൗളർ അദ്ദേഹത്തെ അതേ രീതിയിൽ പുറത്താക്കി. മൂന്നാം ഏകദിനത്തിൽ ആഷ്ടൺ അഗർ സൂര്യകുമാറിന്റെ കുട്ടി തെറുപ്പിക്കുക ആയിരുന്നു.
