ഐപിഎലിൽ ഇപ്പോൾ നടക്കുന്ന മത്സരത്തിൽ വീണ്ടും ഫ്ലോപ്പായി ഋഷഭ് പന്ത്. നാളുകൾ ഏറെയായി മോശമായ പ്രകടനം കാഴ്ച് വെച്ച താരം നിർണായകമായ മത്സരത്തിൽ ടീമിന്റെ രക്ഷകനായി മാറും എന്ന് പ്രതീക്ഷിച്ച ആരാധകർക്ക് തെറ്റ് പറ്റി. 5 പന്തിൽ നിന്നായി ഒരു ഫോർ അടക്കം 7 റൺസ് മാത്രമായിരുന്നു താരത്തിന്റെ സംഭാവന.
താരത്തിന്റെ മോശമായ പ്രകടനത്തിൽ വൻ ആരാധകരോഷമാണ് ഉയർന്നു വരുന്നത്. സീസൺ തുടങ്ങിയിട്ട് ചെന്നൈക്കെതിരെ നടന്ന ഒരു മത്സരത്തിൽ മാത്രമാണ് പന്തിനു തിളങ്ങാൻ സാധിച്ചത്. ബാക്കി 10 മത്സരങ്ങളിലും താരം ഫ്ലോപ്പായിരുന്നു.
സൺ റൈസേഴ്‌സ് ഹൈദെരാബാദിനെതിരെ ലക്‌നൗ സൂപ്പർ ജയന്റ്സിനു മികച്ച തുടക്കമാണ് ലഭിച്ചത്. പവർപ്ളേ അവസാനിക്കുമ്പോൾ 69 റൺസാണ് ലക്‌നൗ ഓപ്പണർമാരായ മിച്ചൽ മാർഷും, എയ്‌ഡൻ മാര്ക്ക്രവും അടിച്ചെടുത്തത്.
മിച്ചൽ മാർഷ് 39 പന്തിൽ 6 ഫോറും 4 സിക്‌സും അടക്കം 65 റൺസാണ് താരം അടിച്ചെടുത്തത്. കൂടാതെ എയ്‌ഡൻ മാര്ക്ക്രം 28 പന്തിൽ 4 ഫോറും 3 സിക്‌സും അടക്കം 50 റൺസാണ് താരം നേടിയത്. നിലവിൽ ലക്‌നൗ സൂപ്പർ ജയൻറ്സ് പ്ലെഓഫ് സാധ്യത പൂർണമായും അവസാനിച്ചിട്ടില്ല. ഇനിയുള്ള മത്സരങ്ങൾ വിജയിച്ചാൽ പ്ലെ ഓഫ് സാധ്യത നിലനിർത്താം. സൺ റൈസേഴ്‌സ് ഹൈദരാബാദ് ഈ സീസണിൽ നിന്ന് പുറത്തായിരുന്നു.
Read more
