ഇന്ത്യൻ ടീമിനെ ഉയരങ്ങളിൽ എത്തിച്ച ഇതിഹാസങ്ങളാണ് വിരാട് കോഹ്ലിയും രോഹിത് ശർമ്മയും. അടുത്ത വർഷം നടക്കാൻ പോകുന്ന ഏകദിന ലോകകപ്പിൽ താരങ്ങൾ കളിക്കുമോ ഇല്ലയോ എന്ന തീരുമാനം ആയിട്ടില്ല. എന്നാൽ ഏകദിന ലോകകപ്പിൽ ഇന്ത്യൻ വിരാട് കോഹ്ലിയും രോഹിത് ശർമ്മയും തീർച്ചയായും കളിക്കണമെന്ന് പറഞ്ഞിരിക്കുകയാണ് മുൻ ഇന്ത്യൻ ഓപ്പണർ ശിഖർ ധവാൻ. വാർത്താ ഏജൻസിയായ എഎൻഐയോട് സംസാരിക്കവെയാണ് ധവാൻ തന്റെ മുൻ സഹതാരങ്ങൾക്ക് പൂർണ്ണ പിന്തുണ പ്രഖ്യാപിച്ചത്.
ഇരുവരുടെയും പരിചയസമ്പത്ത് വലിയ ടൂർണമെന്റുകളിൽ ടീമിന് അത്യന്താപേക്ഷിതമാണെന്നും അദ്ദേഹം വ്യക്തമാക്കി. ടീമിൽ യുവതാരങ്ങൾ ധാരാളമായി കടന്നുവരുന്നുണ്ടെങ്കിലും, ലോകകപ്പ് പോലൊരു വലിയ വേദിയിൽ സമ്മർദ്ദങ്ങളെ അതിജീവിക്കാൻ രോഹിത്തിന്റെയും കോഹ്ലിയുടെയും സാന്നിധ്യം നിർണായകമാണെന്നാണ് ധവാന്റെ വിലയിരുത്തൽ.
Read more
“കോഹ്ലിക്കും രോഹിത്തിനും ഇനിയും കളിക്കാൻ കഴിയും – അവർ തീർച്ചയായും കളിക്കുകയും വേണം. രോഹിത് ശർമ്മയും വിരാട് കോഹ്ലിയും ഏറെ പരിചയസമ്പന്നരായ താരങ്ങളാണ്. ഏകദിന ലോകകപ്പിലേക്ക് ഇനി ഒരു വർഷം മാത്രമേ ബാക്കിയുള്ളൂ. ആ വലിയ ടൂർണമെന്റിലേക്ക് പോകുമ്പോൾ അവരുടെ പരിചയസമ്പത്ത് ടീമിന് അത്യാവശ്യമാണ്,” ധവാൻ എഎൻഐയോട് പറഞ്ഞു.
