പാകിസ്ഥാൻ ക്രിക്കറ്റ് ഇങ്ങനെയാണ്, ലോകത്തിൽ വേറെ ഒരു രാജ്യത്തിനും അവകാശപ്പെടാൻ ഇല്ലാത്ത മണ്ടത്തരങ്ങളുടെ പരമ്പര ഫീൽഡിൽ പുറത്തെടുത്ത ടീമിന്റെ അടുത്ത ഐറ്റം റെഡി. പാകിസ്ഥാനും ന്യൂസിലൻഡും തമ്മിലുള്ള രണ്ടാം ഏകദിനത്തിൽ, ഓൺ-ഫീൽഡ് അമ്പയർമാരായ അലീം ദാറും റാഷിദ് റിയാസും കളിയുടെ മധ്യത്തിൽ 30-യാർഡ് സർക്കിളിന്റെ അളവ് മാറ്റാൻ മാച്ച്ഡേ സ്റ്റാഫിനോട് ആവശ്യപ്പെട്ട സംഭവമാണ് ഇപ്പോൾ താരം . ഇതിന്റെ വീഡിയോ സോഷ്യൽ മീഡിയയിൽ തൽക്ഷണം വൈറലായി, മത്സരത്തിന്റെ മധ്യത്തിൽ ഇത്തരമൊരു തീരുമാനം എടുക്കാമോ എന്ന് പലരും ആശ്ചര്യപ്പെടുന്നു. എന്നിരുന്നാലും, കിവീസ് ടീം 4/0 എന്ന നിലയിൽ ആദ്യ ഓവറിൽ നിൽക്കുമ്പോ അമ്പയറുമാർ തങ്ങളുടെ തീരുമാനവുമായി മുന്നോട്ട് പോകാൻ തീരുമാനിക്കുക ആയിരുന്നു.
പാകിസ്ഥാൻ നായകൻ ബാബർ അസമും ആശയക്കുഴപ്പത്തിലായിരുന്നെന്നും കമന്റേറ്റർമാരും ആശയക്കുഴപ്പത്തിലായിരുന്നെന്നും ദൃശ്യങ്ങൾ സൂചിപ്പിക്കുന്നു. ഒരു ക്രിക്കറ്റ് ഗ്രൗണ്ടിൽ ഇതുപോലൊന്ന് താൻ ഇതുവരെ കണ്ടിട്ടില്ലെന്ന് മുൻ കിവി ക്രിക്കറ്റ് താരം ഗ്രാന്റ് എലിയട്ടും പരാമർശിച്ചു. എന്നിരുന്നാലും, കുറച്ച് മിനിറ്റുകൾക്ക് ശേഷം മത്സരം പുനരാരംഭിച്ചതിനാൽ ടോം ലാഥം നയിക്കുന്ന കിവീസ് ടീം കൂടുതൽ പരാതിപ്പെട്ടില്ല.
ഈ ക്ലിപ്പിനോട് പ്രതികരിച്ചുകൊണ്ട് നിരവധി ആരാധകരും മത്സരത്തിന്റെ മധ്യത്തിൽ ഇത്തരം നടപടികൾ സ്വീകരിക്കാൻ കഴിയുമോ എന്ന് ചോദ്യം ചെയ്യുന്നുണ്ട്, മറ്റുള്ളവർ അവരുടെ മോശം മാനേജ്മെന്റിനെ കുറിച്ച് പാകിസ്ഥാൻ ക്രിക്കറ്റ് ബോർഡിനെ ട്രോളുകയായിരുന്നു.
This happens only in Pakistan 😆😆
— Rishabh Shah 🇮🇳🇮🇳 (@rishlee) April 29, 2023
— Out Of Context Cricket (@GemsOfCricket) April 29, 2023
Read more