സൗദിയില്‍ 3383 പുതിയ കോവിഡ് രോഗികള്‍; 54 മരണം

സൗദിയില്‍ പുതുതായി 3383 പേര്‍ക്ക് കൂടി കോവിഡ് സ്ഥിരീകരിച്ചതായി സൗദി ആരോഗ്യ മന്ത്രാലയം അറിയിച്ചു. ഇതോടെ സൗദിയിലെ ആകെ കോവിഡ് രോഗികളുടെ എണ്ണം 1,97,608 ആയി വര്‍ദ്ധിച്ചു. അതേസമയം, കോവിഡ് സുഖപ്പെട്ടവരുടെ എണ്ണം 1,37,669 ആയി.

കഴിഞ്ഞ 24 മണിക്കൂറിനിടയില്‍ 4909 രോഗികള്‍ സുഖം പ്രാപിച്ചു. കോവിഡ് ബാധിച്ച് 54 പേരാണ് ഇന്നലെ മരിച്ചത്. ഇതോടെ മൊത്തം മരണസംഖ്യ 1752 ആയി ഉയര്‍ന്നു. 58,187 രോഗികളാണ് വിവിധ പ്രദേശങ്ങളില്‍ ചികിത്സയില്‍ കഴിയുന്നത്. ഇവരില്‍ 2287 പേരുടെ നില ഗുരുതരമാണ്.

റിയാദ്: 397, ഹുഫൂഫ്: 277, മക്ക: 271, ഖത്തീഫ്: 181, മദീന: 179, തായിഫ്: 164, ജിദ്ദ: 164, ഖമീസ് മുഷൈത്ത്: 158, അല്‍മൊബാരിസ്: 149, ദമ്മാം: 141, ബുറൈദ: 134, മറ്റ് സിറ്റികളില്‍ 100 നു താഴേയുമാണ് കഴിഞ്ഞ 24 മണിക്കൂറിനുള്ളില്‍ സൗദിയിലെ വിവിധ സിറ്റികളില്‍ കൊറോണ രോഗം റിപ്പോര്‍ട്ട് ചെയ്തത്.