ഖത്തര് ലോകകപ്പില് വിജയികളായ അര്ജന്റീനിയന് ഫുട്ബോള് ടീമിനെ അഭിന്ദിച്ച് മുഖ്യമന്ത്രി പിണറായി വിജയന്. ഫുട്ബോള് എന്ന മനോഹരമായ കളിയുടെ അതുല്യ ആവിഷ്കാരങ്ങളാണ് ഈ ടൂര്ണമെന്റിലുടനീളം കണ്ടതെന്ന് മുഖ്യമന്ത്രി ഫെയ്സ്ബുക്കില് പങ്കുവെച്ച കുറിപ്പില് പറഞ്ഞു.
ലോകകപ്പ് ഫുട്ബോള് വിജയികളായ അര്ജന്റീനയ്ക്ക് അഭിനന്ദനങ്ങള്. തന്റെ കരിയറിലെ ഏറ്റവും അമൂല്യമായ നേട്ടം കൈവരിച്ചാണ് വിശ്വ ഫുട്ബോളര് ലയണല് മെസ്സി അര്ജന്റീനയെ വിജയത്തിലേക്ക് നയിച്ചത്.
പിന്നില് നിന്നും തിരിച്ചു വന്നു പൊരുതിയ ഫ്രാന്സ് ഫൈനല് മത്സരം ആവേശോജ്ജ്വലമാക്കി. അവസാന നിമിഷം വരെ ഉദ്വേഗജനകമായ മത്സരം ഖത്തര് ലോകകപ്പിനെ ഫിഫ ലോകകപ്പിലെ സമുജ്ജ്വലമായ അധ്യായമാക്കി മാറ്റി.
Read more
ഫുട്ബോള് എന്ന മനോഹരമായ കളിയുടെ അതുല്യ ആവിഷ്കാരങ്ങളാണ് ഈ ടൂര്ണമെന്റിലുടനീളം കണ്ടത്. പങ്കെടുത്ത എല്ലാവര്ക്കും ആശംസകള്. ഇനി അടുത്ത ലോകകപ്പിനായി നമ്മള് ഫുട്ബോള് പ്രേമികള്ക്കു കാത്തിരിക്കാം- മുഖ്യമന്ത്രി കുറിച്ചു.