ഐപിഎലില്‍ ഇന്ന് പഞ്ചാബ് കിങ്‌സ്-മുംബൈ ഇന്ത്യന്‍സ് ക്വാളിഫയര്‍ 2 പോരാട്ടമാണ്. ആര്‍സിബിയുടെ എതിരാളികളായി ഏത് ടീമാവും ഫൈനലില്‍ എത്തുകയെന്നാണ് ക്രിക്കറ്റ് പ്രേമികള്‍ ഒന്നടങ്കം ഉറ്റുനോക്കുന്നത്. നേരത്തെ മുംബൈയെ തോല്‍പ്പിച്ചാണ് ടോപ് 2 ടീമായി ക്വാളിഫയര്‍ 1 പോരാട്ടത്തിന് പഞ്ചാബ് യോഗ്യത നേടിയത്. എന്നാല്‍ ആര്‍സിബിയോട് പരാജയപ്പെട്ട് അവര്‍ക്ക് ക്വാളിഫയര്‍ 2 മത്സരം കളിക്കേണ്ട അവസ്ഥ വന്നു. എലിമിനേറ്ററില്‍ ഗുജറാത്ത് ടൈറ്റന്‍സിനെ തോല്‍പ്പിച്ചാണ് മുംബൈ ഇന്ത്യന്‍സിന്റെ വരവ്.
അവസാന ലീഗ് മത്സരത്തില്‍ തങ്ങളെ തോല്‍പ്പിച്ച പഞ്ചാബിനെതിരെ പകരം വീട്ടാനുളള അവസരമാണ് മുംബൈയ്ക്ക് കൈവന്നിരിക്കുന്നത്. അതേസമയം ക്വാളിഫയര്‍ 2 പോരാട്ടം മഴമൂലം ഉപേക്ഷിച്ചാല്‍ ആരാവും ഫൈനലില്‍ എത്തുകയെന്നാണ് എല്ലാവര്‍ക്കും അറിയേണ്ടത്‌. ക്വാളിഫയര്‍ 2 മത്സരം ഉപേക്ഷിച്ചാല്‍ പഞ്ചാബ് കിങ്‌സായിരിക്കും ഐപിഎല്‍ ഫൈനലില്‍ എത്തുക.
Read more
ലീഗ് സ്റ്റേജില്‍ മുംബൈയ്ക്ക് മുന്നിലായി പോയിന്റ് ടേബിളില്‍ രണ്ടാം സ്ഥാനത്ത് എത്തിയതുകൊണ്ടാണ് പഞ്ചാബിന് ഫൈനലില്‍ എത്താനാവുക. 14 കളികളില്‍ നിന്നായി 19 പോയിന്റാണ് പഞ്ചാബ് കിങ്‌സ് നേടിയത്. എന്നാല്‍ ഇത്രയും മത്സരങ്ങളില്‍ നിന്നായി 16 പോയിന്റ് മാത്രമാണ് മുംബൈ ഇന്ത്യന്‍സ് നേടിയത്. ക്വാളിഫയര്‍ 2 മത്സരത്തിന് റിസര്‍വ് ഡേ ഉണ്ടായിരിക്കില്ല. ആറാം കിരീടം ലക്ഷ്യമിട്ടാണ് മുംബൈയുടെ വരവ്. എന്നാല്‍ ആദ്യ കിരീടം ലക്ഷ്യമിട്ട് പഞ്ചാബും ഇന്നത്തെ മത്സരത്തിന് ഇറങ്ങുന്നു.
