കഴിഞ്ഞ കുറച്ച് ദിവസങ്ങളായി നടി സായ് പല്ലവി വിവാഹിതയായി എന്ന പ്രചാരണങ്ങളാണ് സോഷ്യല്‍ മീഡിയയില്‍ നടന്നു കൊണ്ടിരിക്കുന്നത്. സംവിധായകൻ രാജ് കുമാർ പെരിയസാമിക്കൊപ്പം പൂമാലയിട്ട് ചിരിയോടെ നില്‍ക്കുന്ന ചിത്രങ്ങളായിരുന്നു സോഷ്യല്‍ മീഡിയയില്‍ വൈറലായത്.
ഇപ്പോഴിതാ സംഭവത്തിൽ പ്രതികരണവുമായി എത്തിയിരിക്കുകയാണ് സായ് പല്ലവി. “സത്യസന്ധമായി ഞാൻ കിംവദന്തികളെ കാര്യമാക്കുന്നില്ല. അതിൽ കുടുംബാംഗങ്ങളെ പോലെ കാണുന്ന സുഹൃത്തുക്കൾ ഉൾപ്പെടുമ്പോൾ ഞാൻ സംസാരിക്കണം. എന്റെ സിനിമയുടെ പൂജ ചടങ്ങിൽ നിന്നുള്ള ഒരു ഫോട്ടോ മനഃപ്പൂർവം മുറിച്ച്മാറ്റി വെറുപ്പുളവാക്കുന്ന ഉദ്ദേശങ്ങളോടെ പ്രചരിപ്പിച്ചു. സിനിമയെ കുറിച്ചുള്ള സന്തോഷകരമായ അറിയിപ്പുകൾ പങ്കിടുന്നതിന് പകരം ഇത്തരം പ്രവൃത്തികൾക്ക് വിശദീകരണം നൽകേണ്ടത് നിരാശജനകവും, അസ്വസ്ഥത ഉണ്ടാക്കുന്നതും, നീചവുമാണ്” സായ് പല്ലവി കുറിച്ചു.
Honestly, I don’t care for Rumours but when it involves friends who are family, I have to speak up.
An image from my film’s pooja ceremony was intentionally cropped and circulated with paid bots & disgusting intentions.
When I have pleasant announcements to share on my work…— Sai Pallavi (@Sai_Pallavi92) September 22, 2023
സോഷ്യൽ മീഡിയ പ്ലാറ്റ്ഫോമായ എക്സിലൂടെയാണ് താരം പ്രതികരണം അറിയിച്ചത്. പൂമാലയിട്ട് സംവിധായകനൊപ്പമുള്ള സായ് പല്ലവിയുടെചിത്രം പങ്കുവച്ചാണ് പലരും താരം വിവാഹിതയായി എന്ന വാര്‍ത്ത പ്രചരിപ്പിച്ചത്. “ഒടുവില്‍ അവള്‍ വിവാഹിതയായി. പ്രണയത്തിന് നിറം ഒരു പ്രശ്‌നമല്ലെന്ന് അവള്‍ തെളിയിച്ചു, ഹാറ്റ്‌സ് ഓഫ് ടു സായ് പല്ലവി” എന്നാണ് നടിയുടെ ഫാന്‍ പേജില്‍ എത്തിയ ഒരു പോസ്റ്റ്.
View this post on Instagram
Read more
ഇതുവരെ പേരിട്ടിട്ടില്ലാത്ത ശിവകാര്‍ത്തികേയന്റെ ചിത്രത്തിന്റെ ‘എസ്‌കെ21’ എന്ന ബോര്‍ഡും പിടിച്ചാണ് സംവിധായകന്‍ രാജ്കുമാർ നിൽക്കുന്നത്. അതേസമയം, കമല്‍ ഹാസന്റെ രാജ് കമല്‍ ഫിലിംസ് ആണ് എസ്‌കെ21 നിർ‍മ്മിക്കുന്നത് എന്നാണ് വിവരം. ചിത്രത്തിന്റെ പൂജാ ചടങ്ങില്‍ കമലും എത്തിയിരുന്നു.
