മിമിയുടെ വിജയത്തോടെ ബോളിവുഡിലെ ശ്രദ്ധേയ താരമായിരിക്കുകയാണ് നടി കൃതി സനോണ്‍. ഗോഡ് ഫാദറിന്റെ പിന്‍ബലമില്ലാതെ കടന്നുവന്ന് തന്റേതായ ഒരിടം കണ്ടെത്തിയ നടി തന്റെ അഭിനയമോഹത്തോട് കുടുംബവും സുഹൃത്തുക്കളും പ്രതികരിച്ചതിനെക്കുറിച്ച് വെളിപ്പെടുത്തിയിരിക്കുകയാണ് ഇപ്പോള്‍.
തന്റെ വിവാഹത്തെക്കുറിച്ച് പോലും അവര്‍ ആശങ്കപ്പെട്ടിരുന്നുവെന്നാണ് കൃതി പറയുന്നത്. നടിമാരെ ആരും വിവാഹം കഴിക്കില്ലെന്നായിരുന്നു അവരുടെ ധാരണയെന്നാണ് കൃതി പറയുന്നത്.” നടിയേയും മോഡലിനേയും ആരും കല്യാണം കഴിക്കില്ല. കല്യാണം വൈകും. ഇതൊക്കെ കേള്‍ക്കുമ്പോള്‍ ചിരിയാണ് വരിക. ഞാന്‍ അതൊക്കെ കേട്ട് പൊട്ടിച്ചിരിച്ചിട്ടുണ്ട്” എന്നാണ് കൃതി പറയുന്നത്. തന്നെ സംബന്ധിച്ച് വിവാഹം കഴിക്കുക എന്നതായിരുന്നു അജണ്ടയെന്നും കൃതി ബോളിവുഡ് ബബിളിന് നല്‍കിയ അഭിമുഖത്തില്‍ പറഞ്ഞു.
തന്റെ ആണ്‍ സുഹൃത്തുക്കള്‍ പോലും താനൊരു നടിയായി മാറിയാല്‍ കല്യാണം നടക്കാന്‍ ബുദ്ധിമുട്ടാണെന്നായിരുന്നു പറഞ്ഞിരുന്നതെന്നും അത് തന്നെ അത്ഭുതപ്പെടുത്തിയെന്നാണ് കൃതി പറയുന്നത്. ”എന്റെ ഒരു ആണ്‍ സുഹൃത്ത്, ഞങ്ങളിപ്പോഴും സുഹൃത്തുക്കളാണ്, പറഞ്ഞത് കല്യാണം ഒരു പ്രശ്നമാകുമെന്നാണ്.
Read more
എന്റെ തലമുറയിലുള്ളവരും ഇങ്ങനെയാണല്ലോ ചിന്തിക്കുന്നതെന്ന് എന്നെ ഞെട്ടിച്ചതായിരുന്നു. എന്താണ് എല്ലാവരും കല്യാണത്തെക്കുറിച്ച് മാത്രം ചിന്തിക്കുന്നതെന്നതും എന്നെ അത്ഭുതപ്പെടുത്തിയിരുന്നു” എന്നാണ് കൃതി പറയുന്നത്.
