തുടര്ച്ചയായി 11-ാം തവണയും റിസര്വ് ബാങ്ക് ഓഫ് ഇന്ത്യ (ആര്ബിഐ) റിപ്പോ നിരക്ക് മാറ്റമില്ലാതെ നിലനിര്ത്തി. റിവേഴ്സ് റിപോ നിരക്കും 3.75 ശതമാനമായി ഉയര്ത്തി. 2022-23 സാമ്പത്തിക വര്ഷത്തിലെ ആദ്യത്തെ വായ്പാനയമാണ് റിസര്വ് പുറത്തുവിട്ടിരിക്കുന്നത്.
‘സമ്പദ്വ്യവസ്ഥ പുതിയ വെല്ലുവിളികളെ നേരിടുകയാണ് എന്ന് ആര്ബിഐ ഗവര്ണര് ശക്തികാന്ത ദാസ് പറഞ്ഞു. ഒമിക്രോണ് തരംഗത്തിന്റെ ആഘാതത്തില് നിന്ന് പതിയെ സമ്പദ്വ്യവസ്ഥ കരകയറുകയാണെന്നും അദ്ദേഹം വ്യക്തമാക്കി. റഷ്യന്-ഉക്രെയ്ന് സംഘര്ഷം ആഗോള സമ്പദ്വ്യവസ്ഥയെ താളം തെറ്റിക്കും എന്നും അദ്ദേഹം അഭിപ്രായപ്പെട്ടു.
Read more
2022-2023 സാമ്പത്തിക വര്ഷത്തില് ജിഡിപി വളര്ച്ച 7.8 ശതമാനത്തില് നിന്ന് 7.2 ശതമാനമാകുമെന്നു പ്രതീക്ഷിക്കുന്നു എന്നും പണപ്പെരുപ്പം 4.5 ശതമാനത്തില് നിന്ന് 5.7 ശതമാനമാകുമെന്നും ആര്ബിഐ ഗവര്ണര് പറഞ്ഞു. വാണിജ്യ ബാങ്കുകള്ക്ക് സെന്ട്രല് ബാങ്ക് വായ്പ നല്കുന്ന നിരക്കാണ് റിപ്പോ നിരക്ക്. വിപണിയിലെ അധിക പണം തിരിച്ചെടുക്കാന് റിസര്വ് ബാങ്ക് ഹ്രസ്വകാലത്തേക്ക് ബാങ്കുകളില് നിന്ന് പണം കടമെടുക്കുന്ന നിരക്കാണ് റിവേഴ്സ് റിപ്പോ നിരക്ക്.