ഓസ്ട്രേലിയക്കെതിരേ ടെസ്റ്റ് പരമ്പര നേടാന്‍ പരിശീലകന്‍ രാഹുല്‍ ദ്രാവിഡും ക്യാപ്റ്റന്‍ രോഹിത് ശര്‍മയും ശ്രദ്ധിക്കേണ്ട കാര്യം ചൂണ്ടിക്കാട്ടി മുന്‍ സെലക്ടര്‍ സുനില്‍ ജോഷി. ഇന്ത്യന്‍ പിച്ചില്‍ പേസര്‍മാരെക്കാള്‍ മത്സരഗതി തീരുമാനിക്കുന്നത് സ്പിന്നര്‍മാരാണെന്ന് ഇരിക്കെ ഏത് സ്പിന്നറെ കളിപ്പിക്കണമെന്ന കാര്യത്തില്‍ ദ്രാവിഡിനും രോഹിത്തിനും വ്യക്തത വേണമെന്ന് അദ്ദേഹം അഭിപ്രായപ്പെട്ടു. കുല്‍ദീപ് യാദവിനെ എന്തായാലും കളിപ്പിക്കണമെന്നാണ് സുനില്‍ ജോഷി പറയുന്നത്.
കുല്‍ദീപ് യാദവിന്റെ സമീപകാല ഫോം മികച്ചതാണ്. അവന്‍ വിക്കറ്റ് നേടും. മുന്‍ താരമെന്ന നിലയില്‍ വിക്കറ്റ് നേടുന്നതിന് ഞാന്‍ പ്രാധാന്യം നല്‍കുന്നു. മിഡ് ഓഫ്, മിഡ് ഓണ്‍, സ്ലിപ്പ് ക്യാച്ച് എന്നിവയിലെല്ലാം സ്പിന്നര്‍മാര്‍ വിക്കറ്റ് നേടേണ്ടതായുണ്ട്- ജോഷി പറഞ്ഞു.
ആര്‍. അശ്വിന്‍, രവീന്ദ്ര ജഡേജ, കുല്‍ദീപ് യാദവ്, അക്ഷര്‍ പട്ടേല്‍ എന്നീ നാല് സൂപ്പര്‍ സ്പിന്നര്‍മാരാണ് ഇന്ത്യക്കൊപ്പമുള്ളത്. ഇതില്‍ ആരെയൊക്കെ ഇന്ത്യ പ്ലേയിങ് 11 ഉള്‍പ്പെടുത്തുമെന്നതാണ് പ്രധാന ചോദ്യം.
Read more
കുല്‍ദീപിന്റെ സമീപകാല പ്രകടനങ്ങള്‍ മികച്ചതാണ്. മികച്ച ടേണും ലെങ്തും താരത്തിനുണ്ട്. എന്നാല്‍ താരത്തെ പ്ലേയിംഗ് ഇലവനിലേക്ക് ഇന്ത്യ പരിഗണിക്കുമോയെന്നതാണ് കണ്ടറിയണം.
