ഇന്ത്യയുടെ ഫസ്റ്റ് ചോയ്സ് വിക്കറ്റ് കീപ്പറായ റിഷഭ് പന്ത് മടങ്ങിയെത്തിയാല്‍ ധ്രുവ് ജുറേലിനു ടെസ്റ്റ് ടീമില്‍ സ്ഥാനം നിലനിര്‍ത്താന്‍ സാധിക്കുമോ? ഇതേക്കുറിച്ച് തന്റെ അഭിപ്രായം തുറന്നു പറഞ്ഞിരിക്കുകയാണ് ഇന്ത്യയുടെ മുന്‍ സ്പിന്‍ ഇതിഹാസം അനില്‍ കുംബ്ലെ. ഈ വിഷയത്തില്‍ കുംബ്ലെ കൃത്യമായ ഒരു ഉത്തരം പറഞ്ഞില്ലെങ്കിലും ജുറേലിനെ അദ്ദേഹം വാനോളം പുകഴ്ത്തി.
റിഷഭ് പന്ത് ടെസ്റ്റ് ക്രിക്കറ്റില്‍ ഇന്ത്യന്‍ ടീമിലേക്കു വരാനിരിക്കുകയാണ്. അവന്‍ എപ്പോഴായിരിക്കും മടങ്ങിവരികയെന്നു നമുക്കറിയില്ല. വേഗത്തില്‍ തന്നെ റിഷഭിനു തിരിച്ചെത്താന്‍ സാധിക്കട്ടെയെന്നു പ്രതീക്ഷിക്കുന്നു. അതേസമയം, എംഎസ് ധോണി കരിയറില്‍ എത്തിപ്പിടിച്ച നേട്ടങ്ങള്‍ക്കൊപ്പമെത്താന്‍ ജുറേലിനു കഴിയും.
കളിക്കളത്തില്‍ ക്ഷമയോടെ ബാറ്റ് ചെയ്യാന്‍ കഴിയുമെന്നു മാത്രമല്ല മികച്ച ബാറ്റിംഗ് ടെക്നിക്കും പ്രതിരോധവുമെല്ലാം തനിക്കുണ്ടെന്നു ജുറേല്‍ തെളിയിച്ചിരിക്കുകയാണ്. കൂടാതെ ആക്രമിച്ചു കളിക്കാനുള്ള കഴിവും അവനുണ്ട്.
Read more
ഒന്നാം ഇന്നിംഗ്സിലും വളരെ ആത്മവിശ്വാസത്തോടെയാണ് അവന്‍ ബാറ്റ് വീശിയത്. വാലറ്റക്കാര്‍ക്കൊപ്പം ബാറ്റ് ചെയ്യവെ പോലും ചില വമ്പന്‍ സിക്സറുകളടിക്കാന്‍ ജുറേലിനായിരുന്നു. കൂടാതെ വിക്കറ്റിനു പിന്നിലെ പ്രകടനവും ഗംഭീരമാണ്- അനില്‍ കുംബ്ലെ പറഞ്ഞു.
