2025 ലെ ഐപിഎൽ സീസണിൽ റോയൽ ചലഞ്ചേഴ്സ് ബെംഗളൂരു (ആർസിബി) മികച്ച പ്രകടനമാണ് കാഴ്ചവയ്ക്കുന്നത്. കഴിഞ്ഞ 11 മത്സരങ്ങളിൽ എട്ടെണ്ണം ജയിച്ച അവർ ഇപ്പോൾ പോയിന്റ് പട്ടികയിൽ ഒന്നാം സ്ഥാനത്താണ് നിൽക്കുന്നത്. പ്ലേ ഓഫ് യോഗ്യത ഉറപ്പിച്ചിട്ട് ഉണ്ടെങ്കിലും ശേഷിക്കുന്ന മൂന്ന് മത്സരങ്ങളും ജയിച്ച് ഒന്നാം സ്ഥാനക്കാരായിട്ട് സെമിയിലേക്ക് രാജകിയ എൻട്രിയാണ് ആർസിബിയുടെ ലക്ഷ്യം.
2025 ലെ ഐപിഎല്ലിൽ ഭുവനേശ്വർ കുമാറിനെയും ജോഷ് ഹേസൽവുഡിനെയും ഉൾപ്പെടുത്തിയത് ആർസിബിയുടെ പേസ് ആക്രമണത്തിന് ആവശ്യമായ സ്ഥിരതയും ആഴവും കൊണ്ടുവന്നു. പതിനെട്ടാം സീസണിൽ രജത് പട്ടീദാറിന്റെ ടീം അസാധാരണമാംവിധം മികച്ച പ്രകടനം കാഴ്ചവച്ചു. 2025 ആർസിബിയുടെ വർഷമാണെന്ന് മുൻ ഇന്ത്യൻ താരം സുനിൽ ഗാവസ്കർ പറഞ്ഞു. മുംബൈ ഇന്ത്യൻസിന് സന്തുലിതമായ ഒരു ടീമുണ്ടെങ്കിലും മൊത്തത്തിലുള്ള ശക്തിയുടെ കാര്യത്തിൽ ആർസിബി മുന്നിലാണെന്ന് അദ്ദേഹം പറഞ്ഞു.
“റോയൽ ചലഞ്ചേഴ്സ് ബെംഗളൂരു. അവർ നന്നായി ബാറ്റ് ചെയ്യുകയും മികച്ച രീതിയിൽ ഫീൽഡ് ചെയ്യുകയും ചെയ്തിട്ടുണ്ട്. മുംബൈ ഇന്ത്യൻസും മികച്ചവരാണ്. പക്ഷേ അവർ അവരുടെ കുതിപ്പ് ആരംഭിച്ചതേയുള്ളൂ. മുൻനിര ടീമുകൾക്കെതിരെ മൂന്ന് കഠിനമായ മത്സരങ്ങൾ വരാനിരിക്കുന്നതിനാൽ അവർക്ക് അത് നിലനിർത്താൻ കഴിയുമോ എന്നതാണ് ചോദ്യം. ആർസിബി തീർച്ചയായും കിരീട ഫേവറിറ്റുകളാണ്, ”ഗവാസ്കർ ഇന്ത്യാ ടുഡേയോട് പറഞ്ഞു.’
ആർസിബി എല്ലാ കാലത്തും അവരുടെ സ്ഫോടനാത്മക ബാറ്റിംഗിന് പേരുകേട്ട ടീം ആയിരുന്നു. പക്ഷേ അവരുടെ ബൗളിംഗ് യൂണിറ്റിന് പലപ്പോഴും സ്ഥിരതയില്ലായിരുന്നു. എന്നിരുന്നാലും, മെഗാ ലേലത്തിൽ ഈ പ്രശ്നം പരിഹരിക്കപ്പെട്ടു. ഭുവനേശ്വർ, ഹേസൽവുഡ് എന്നിവരെ കൂടാതെ, പാണ്ഡ്യ ആക്രമണത്തിന് കൂടി വന്നപ്പോൾ അത് കൂടുതൽ സന്തുലിതാവസ്ഥ നൽകി.
Read more
