ക്രിക്കറ്റില്‍ ബാറ്ററെ ഭയപ്പെടുത്താനും സമ്മര്‍ദ്ദത്തിലാക്കാനും ബോളര്‍മാര്‍ ബോളിംഗിന് പുറമേ ചില അടവുകള്‍ പ്രയോഗിക്കാറുണ്ട്. ഇത്തരത്തിലൊന്ന് ഇന്നലെ നടന്ന മുംബൈ-കൊല്‍ക്കത്ത പോരിലും കാണാനായി. ബാറ്ററുടെ സ്ഥാനത്ത് കീറോണ്‍ പൊള്ളാര്‍ഡായിരുന്നു കെകെആറിന്റെ യുവതാരം പ്രസിദ്ധ് കൃഷ്ണയായിരുന്നു ബോളര്‍.
മുംബൈ ഇന്നിംഗ്‌സിന്റെ 15ാം ഓവറിലായിരുന്നു സംഭവം. ഈ ഓവറിലെ അഞ്ചാം പന്തില്‍ ക്വിന്റന്‍ ഡികോക്കിനെ പ്രസിദ്ധ് പുറത്താക്കിയതോടെയാണ് പൊള്ളാര്‍ഡ് ക്രീസിലെത്തിയത്. ഓവറിലെ അവസാന പന്ത് നേരിട്ട പൊള്ളാര്‍ഡ് പന്തു നേരെ മുന്നിലേക്ക് തട്ടിയിട്ടു. ഇതു പിടിച്ചെടുക്കാന്‍ കഴിഞ്ഞില്ലെങ്കിലും പ്രസിദ്ധ് കൈയില്‍ പന്തുള്ളതായി ഭാവിച്ച് പൊള്ളാര്‍ഡിനു നേരെ അതെറിയുന്നതായി ആംഗ്യം കാട്ടി. ഇത് പൊള്ളാര്‍ഡിന് അത്ര സുഖിച്ചതുമില്ല.
— pant shirt fc (@pant_fc) September 23, 2021
Read more
എറിയുന്നതായി ആംഗ്യം കാണിച്ച പ്രസിദ്ധിനോട് അനിഷ്ടത്തോടെ പൊള്ളാര്‍ഡ് എന്തോ പറയുകയും ചെയ്തു. എന്നാല്‍ പ്രസിദ്ധ് ഒന്നും പറയാതെ മടങ്ങുന്നതും കാണാം. ഇതിന്റെ വീഡിയോ ഇതിനോടകം സോഷ്യല്‍ മീഡിയയില്‍ വൈറലായിട്ടുണ്ട്. കൊല്‍ക്കത്തയോട് കനത്ത തോല്‍വി ഏറ്റുവാങ്ങിയെങ്കിലും പൊള്ളാര്‍ഡിന്റെ കലിപ്പ് സീന്‍ ആഘോഷമാക്കിയിരിക്കുകയാണ് മുംബൈ ആരാധകര്‍.
