ഐ.പി.എല് 13ാം സീസണിലെ ആദ്യ മത്സരത്തില് നിലവിലെ ചാമ്പ്യന്മാരായ മുംബൈ ഇന്ത്യന്സിനെതിരെ ചെന്നൈ സൂപ്പര് കിംഗ്സിന് 163 റണ്സ് വിജയ ലക്ഷ്യം. ടോസ് നഷ്ടപ്പെട്ട് ബാറ്റിംഗിനിറങ്ങിയ മുംബൈ നിശ്ചിത ഓവറില് 9 വിക്കറ്റ് നഷ്ടത്തിലാണ് 162 റണ്സെടുത്തത്.
മുംബൈയ്ക്കായി ഡികോക്ക് (20 പന്തില് 33) സൗരഭ് തിവാരി (31 പന്തില് 42) എന്നിവര് മികച്ച പ്രകടനം കാഴ്ചവെച്ചു. നായകന് രോഹിത്ത് ശര്മ്മ (12) സൂര്യകുമാര് യാദവ് (17) ഹാര്ദ്ദിക് പാണ്ഡ്യ (14) പൊള്ളാര്ഡ് (18) ജയിംസ് പാറ്റിന്സണ് (11) എന്നിങ്ങനെയാണ് മറ്റ് താരങ്ങളുടെ പ്രകടനം.
മികച്ച രീതിയില് തുടങ്ങിയ മുംബൈയെ ചെന്നൈ ബോളിംഗ് പട എറിഞ്ഞു മെരുക്കുകയായിരുന്നു. ലുങ്കി എന്ഗിഡി മൂന്ന് വിക്കറ്റും ജഡേജ, ദീപക് ചാഹര് എന്നിവര് രണ്ട് വിക്കറ്റ് വീതവും പിയൂഷ് ചൗള, സാം കറെന്, എന്നിവര് ഓരോ വിക്കറ്റ് വീതവും വീഴ്ത്തി. ഫാഫ് ഡുപ്ലേസിയുടെ മികച്ച രണ്ട് ക്യാച്ചുകള്ക്കും മത്സരം സാക്ഷ്യം വഹിച്ചു.
ഡ്വെയ്ന് ബ്രാവോ, ഇമ്രാന് താഹിര് എന്നിവരെ പുറത്തിരുത്തിയാണ് ചെന്നൈ ഇറങ്ങിയത്. ബ്രാവോയ്ക്കു പകരം സാം കറെനാണ് ടീമില്. ക്വിന്റന് ഡികോക്ക്, കീറന് പൊള്ളാര്ഡ്, ജയിംസ് പാറ്റിന്സന്, ട്രെന്റ് ബൗള്ട്ട് എന്നിവരാണ് മുംബൈ ടീമിലെ വിദേശ താരങ്ങള്.
ചെന്നൈ ടീം: മുരളി വിജയ്, ഷെയ്ന് വാട്സന്, ഫാഫ് ഡുപ്ലേസി, അമ്പാട്ടി റായുഡു, കേദാര് ജാദവ്, എം.എസ്. ധോണി (ക്യാപ്റ്റന്), രവീന്ദ്ര ജഡേജ, സാം കറന്, ദീപക് ചാഹര്, പിയൂഷ് ചൗള, ലുങ്കി എന്ഗിഡി.
Read more
മുംബൈ ടീം: രോഹിത് ശര്മ (ക്യാപ്റ്റന്), ക്വിന്റന് ഡികോക്ക്, സൂര്യകുമാര് യാദവ്, സൗരഭ് തിവാരി, ക്രുണാല് പാണ്ഡ്യ, ഹാര്ദിക് പാണ്ഡ്യ, കീറന് പൊള്ളാര്ഡ്, ജയിംസ് പാറ്റിന്സണ്, രാഹുല് ചാഹര്, ട്രെന്റ് ബൗള്ട്ട്, ജസ്പ്രീത് ഭുംറ