ഇംഗ്ലണ്ടിനെതിരായ ടെസ്റ്റ് പരമ്പരയില് നിന്ന് ഓള്റൗണ്ടര് വാഷിംഗ്ടണ് സുന്ദര് പുറത്ത്. സന്നാഹ മത്സരത്തിനിടെ കൈവിരലിന് ഏറ്റ പരിക്കാണ് താരത്തിന് തിരിച്ചടിയായത്.
സന്നാഹ മത്സരത്തിന്റെ രണ്ടാം ദിനം മുഹമ്മദ് സിറാജിന്റെ ഡെലിവറിയില് സുന്ദറിന്റെ കൈവിരലിന് പരിക്കേറ്റതായാണ് റിപ്പോര്ട്ട്. ആവേശ് ഖാനും ശുഭ്മാന് ഗില്ലിനും ശേഷം ഇംഗ്ലണ്ടിനെതിരായ ടെസ്റ്റ് നഷ്ടമാവുന്ന മൂന്നാമത്തെ താരമാണ് വാഷിങ്ടണ് സുന്ദര്. താരത്തിന്റെ പരിക്ക് എത്രത്തോളം ഗൗരവമുള്ളതാണെന്ന് വ്യക്തമല്ല.
സുന്ദര് പുറത്തായ സാഹചര്യത്തില് ആര്.അശ്വിന്, രവീന്ദ്ര ജഡേജ, അക്സര് പട്ടേര് എന്നിവരാണ് ടീമിലെ അവശേഷിക്കുന്ന സ്പിന്നര്മാര്. സുന്ദറിന്റെ അഭാവം നികത്താന് വേറെ താരത്തെ ടീം ബി.സി.സി.ഐയോട് ആവശ്യപ്പെടുമോ എന്ന് കണ്ട് തന്നെയറിയണം.
India”s Mohammed Siraj gets County Select XI”s Washington Sundar in the warm-up game 😉#CountyXIvIndiapic.twitter.com/4VDaXk77RQ
— Wisden India (@WisdenIndia) July 21, 2021
അങ്ങനെ വന്നാല് ലങ്കന് പര്യടനത്തിലുള്ള കുല്ദീപ്, ചഹല് എന്നിവര്ക്കാണ് സാധ്യത കൂടുതല്. ക്രുണാല് പാണ്ഡ്യ, രാഹുല് ചഹാര്, വരുണ് ചക്രവര്ത്തി എന്നിവരും സ്പിന്നര്മാരായി ലങ്കയിലുണ്ട്. ഇവര്ക്ക് പുറമേ ഷഹബാസ് നിദീമിനും സാധ്യതയുണ്ട്.
Read more
അഞ്ച് മത്സരങ്ങളടങ്ങിയ ടെസ്റ്റ് പരമ്പരയാണ് ഇന്ത്യ ഇംഗ്ലണ്ടില് കളിക്കുന്നത്. ആഗസ്റ്റ് നാലിനാണ് പരമ്പരയിലെ ആദ്യ മത്സരം. ലോക ടെസ്റ്റ് ചാമ്പ്യന്ഷിപ്പ് കൈവിട്ട ഇന്ത്യയ്ക്ക് പുതിയ സീസണില് ഇംഗ്ലണ്ടിനെതിരായ മത്സരം ഏറെ നിര്ണായകമാണ്.