ഐപിഎല്‍ സീസണിലടക്കം മോശം ഫോമിലൂടെയാണ് ഇന്ത്യന്‍ മുന്‍ നായകന്‍ വിരാട് കോഹ്ലി കടന്നു പോകുന്നത്. ആധുനിക ക്രിക്കറ്റിലെ ഏറ്റവും മികച്ച ബാറ്റര്‍മാരില്‍ ഒരാളായി വിലയിരുത്തപ്പെടുന്നതും സ്ഥിരതയാര്‍ന്ന പ്രകടനം കാഴ്ചവെക്കുകയും ചെയ്തിരുന്ന കോഹ്‌ലിയുടെ ഫോം നഷ്ടം ക്രിക്കറ്റ് വിദഗ്ധരെയും ആരാധകരെയും ഒരേപോലെ കുഴപ്പ്ിച്ചിരിക്കുകയാണ്.
അതിനിടെ, കോഹ്‌ലിയുടെ ഫോം നഷ്ടത്തെപ്പറ്റി പാകിസ്ഥാന്‍ പേസര്‍ മുഹമ്മദ് ആസിഫ് മുമ്പ് നടത്തിയ പ്രവചനം സത്യമാകുമോ എന്ന ഞെട്ടലിലാണ് ഒരുപറ്റം ആരാധകര്‍. ഫോം ഒരിക്കല്‍ നഷ്ടമായാല്‍ കോഹ്‌ലിക്കു പിന്നെ ഒരു തിരിച്ചുവരവ് ഉണ്ടാകില്ല എന്നാണ് ആസിഫ് അന്നു പറഞ്ഞത്.
‘കോഹ്ലി ബോട്ടം ഹാന്‍ഡ് പ്ലെയറാണ്. മികച്ച ഫിറ്റ് നസ് കാരണമാണ് കോഹ്ലിക്ക് മികച്ച പ്രകടനം പുറത്തെടുക്കാന്‍ സാധിക്കുന്നത്. ഫോം ഔട്ടായാല്‍ പിന്നീട് ഫോമിലേക്ക് തിരിച്ചെത്തുക കോഹ്ലിക്ക് പ്രയാസമായിരിക്കും.’ എന്നാണ് ആസിഫ് അന്ന് പറഞ്ഞത്. 2019 നവംബറിനു ശേഷം കോഹ്ലിക്ക് ഒപി സെഞ്ച്വറി പോലും നേടാനായിട്ടില്ല എന്നത് കാര്യത്തിന്റെ ഗൗരവം വ്യക്തമാക്കുന്നതാണ്.
ഐപിഎല്‍ ഈ സീസണില്‍ 8 മത്സരങ്ങളില്‍ നിന്ന് 119 റണ്‍സാണ് കോഹ്‌ലിയുടെ സമ്പാദ്യം.സീസണിലെ ആദ്യ മത്സരത്തില്‍ത്തന്നെ പുറത്താകാതെ 41 റണ്‍സ് നേടിയ കോഹ്ലി, പിന്നീടുള്ള 7 ഇന്നിംഗ്‌സില്‍ നേടിയത് 79 റണ്‍സ് മാത്രമാണ്. മുംബൈയ്‌ക്കെതിരെ നേടിയ 48 റണ്‍സാണ് ഉയര്‍ന്ന സ്‌കോര്‍. തുടര്‍ച്ചയായി രണ്ട് മത്സരങ്ങളില്‍ പൂജ്യത്തിന് പുറത്താവുകയും ചെയ്തു.
Once a magician said :
Kohli is a Bottom-Handed player. The moment when he will face a decline, i don't think Kohli can make a comeback. ✌️💯 @MuhammadAsif26_ pic.twitter.com/x7eNCWmXPR— Ball can Talk with ASIF (@BallCanTalk) April 20, 2022
Read more
