ഇന്ത്യൻ മുൻ ക്രിക്കറ്റ്താരവും പരിശീലകനുമായിരുന്ന അൻഷുമാൻ ഗെയ്ക്‌വാദ് (71) അന്തരിച്ചു. ദീർഘനാളായി അർബുദ ബാധിതനായിരുന്ന താരത്തിന്റെ അന്ത്യം ഭൈലാൽ അമീൻ ജനറൽ ആശുപത്രിയിൽ ആയിരുന്നു. 1975 – 1987 കാലത്ത് ഇന്ത്യക്കായി 40 ടെസ്റ്റുകളും 15 ഏകദിനങ്ങളും കളിച്ച അദ്ദേഹം രണ്ടു തവണ ഇന്ത്യയുടെ പരിശീലകനുമായിരുന്നു അദ്ദേഹം.
ഇന്ത്യക്കായി തന്റെ കാരുണ്യയിൽ പല മികച്ച പ്രകടനങ്ങളും നടത്തിയിട്ടുള്ള ഗെയ്ക്‌വാദ് വലംകൈയൻ ബാറ്റർ ആയിരുന്നു. ടെസ്റ്റിൽ 1985 റൺസ് നേടിയിട്ടുള്ള താരം പാകിസ്താനെതിരെ ഇരട്ട സെഞ്ച്വറി പ്രകടനവും നടത്തിയിട്ടുണ്ട്. ടെസ്റ്റിലെ പ്രകടന മികവ് ഏകദിനത്തിൽ ആവർത്തിക്കാൻ സാധിച്ചില്ല എങ്കിലും ഫോർമാറ്റിൽ അദ്ദേഹം 269 റൺസ് നേടിയിട്ടുണ്ട്. 2018 ൽ ബിസിസിഐ ഇന്ത്യൻ ക്രിക്കറ്റിനോട് താരം ചെയ്ത സേവനത്തിന്റെ പ്രതിഫലമായി സി. കെ നായിഡു പുരസ്ക്കാരം നൽകിയിട്ടുണ്ട്.
കഴിഞ്ഞ ഒരു വർഷമായി ലണ്ടനിലെ കിങ്‌സ് കോളജ് ആശുപത്രിയിൽ ചികിത്സയിലായിരുന്ന ഗെയ്ക്വാദിനെ കഴിഞ്ഞ മാസമാണ് ഇന്ത്യയിലേക്ക് കൊണ്ടുവന്നത്. അടുത്തിടെ താരത്തിന്റെ ചികിത്സ സഹായത്തിനായി കപിൽ ദേവ് ഉൾപ്പടെ ഉള്ളവർ ബിസിസിയോട് ആവശ്യപ്പെട്ടിരുന്നു. ബിസിസിഐ ഒരു കോടി രൂപ അതിന്റെ ഭാഗമായി നൽകുകയും ചെയ്തു.
Read more
പ്രധാനമത്രി നരേന്ദ്ര മോദി ഉൾപ്പടെ ഉള്ളവർ അനുശോചനം അറിയിച്ചിട്ടുണ്ട്.
