ഞായറാഴ്ച സണ്‍റൈസേഴ്‌സ് ഹൈദരാബാദിനെതിരെ നടന്ന മത്സരത്തില്‍ തകര്‍പ്പന്‍ പ്രകടനമാണ് ജോസ് ബട്ട്ലര് കാഴ്ചവെച്ചത്. 64 പന്തില്‍ 11 ഫോറും എട്ടു സിക്‌സും സഹിതം 124 റണ്‍സാണ് ബട്ട്ലര് നേടിയത്. ഐ.പി.എല്ലില്‍ സെഞ്ച്വറി നേടുന്ന നാലാമത്തെ മാത്രം ഇംഗ്ലണ്ട് താരമാണ് ബട്ട്ലര്. ഇപ്പോഴിതാ സെഞ്ച്വറി പ്രകടനത്തിന് പിന്നാലെ രസകരമായ ഒരു കാര്യം പങ്കുവെച്ചിരിക്കുകയാണ് ബട്ട്ലര്.
“ഞാന്‍ എന്റെ കരിയറില്‍ കൂടുതലും മധ്യനിരയിലാണ് ബാറ്റ് ചെയ്തത്. അതിനാല്‍ സെഞ്ച്വറി നേടുക എളുപ്പമായിരുന്നില്ല. മുമ്പ് ടോപ് ഓഡറില്‍ അധികം അവസരങ്ങള്‍ ലഭിച്ചിരുന്നില്ല. അതിനാല്‍ തന്നെ ഞാന്‍ ഇപ്പോള്‍ ഓപ്പണിംഗ് ബാറ്റിംഗ് ഏറെ ആസ്വദിക്കുന്നു. ഇപ്പോള്‍ അലിസ്റ്റര്‍ കുക്കിന്റെ വായടപ്പിക്കാന്‍ എനിക്കാവും. നേരത്തെ എന്നെക്കാള്‍ ഒരു ടി20 സെഞ്ച്വറി കൂടുതലാണെന്ന് എപ്പോഴും കുക്ക് പറയുമായിരുന്നു” ബട്ട്ലര് പറഞ്ഞു.
ഇംഗ്ലണ്ടിനൊപ്പം 32 ടി20 മത്സരങ്ങള്‍ മാത്രം കളിച്ചിട്ടുള്ള കുക്കിന് ഒരിക്കല്‍ പോലും സെഞ്ച്വറി നേടാനായിട്ടില്ല. എന്നാല്‍ 2009ല്‍ എക്സസിനു വേണ്ടി കളിച്ച് 57 പന്തില്‍ 100 റണ്‍സ് നേടാന്‍ കുക്കിന് സാധിച്ചിരുന്നു.
Read more
ഇംഗ്ലണ്ടിനായി 79 ടി20കള്‍ ബട്ട്ലര് കളിച്ചിട്ടുണ്ടെങ്കിലും ഒരു തവണ പോലും സെഞ്ച്വറി നേടാന്‍ ബട്ട്‌ലര്‍ക്ക് സാധിച്ചിരുന്നില്ല. 65ാമത്തെ ഐ.പി.എല്ലിലൂടെയാണ് ടി20 ഫോര്‍മാറ്റിലെ ആദ്യ സെഞ്ച്വറി ബട്ട്ലര് സ്വന്തമാക്കിയിരിക്കുന്നത്.
