ഷെമിന് അബ്ദുള്മജീദ്
രാഹുല് ദ്രാവിഡ് കോച്ചായി സ്ഥാനമേറ്റെടുത്തതോടെ ഇനിയെല്ലാ പരമ്പരകളും ഇന്ത്യ നേടും എന്ന് വിശ്വസിച്ചിരിക്കുന്നവര് മൂഢസ്വര്ഗത്തിലാണെന്ന് നിസ്സംശയം പറയാം.
കളിക്കിടയില് കിടന്നുറങ്ങുന്നു എന്ന് ആരാധകര് പരാതി പറയുന്ന ശാസ്ത്രിയില് നിന്നും ഏറെ ദൂരെയല്ല ഉറങ്ങാതെയിരിക്കുന്ന ദ്രാവിഡും.
ഇന്ത്യന് ടീമിന് തുടര്ച്ചയായി പരമ്പരകള് വിജയിക്കണമെങ്കില് കോച്ചിനെ മാറ്റുകയല്ല, കുറച്ചെങ്കിലും വിവരമുള്ള സെലക്ടര്മാരെ നിയമിക്കുകയാണ് വേണ്ടത്. അതല്ലെങ്കില് സെലക്ഷനില് ക്യാപ്റ്റനോ കോച്ചിനോ ഒരു റോള് വേണം.
ഏതാനും വര്ഷങ്ങളായി മോശം ഫോമിലുള്ള കളിക്കാരെ വീണ്ടും വീണ്ടും തെരെഞ്ഞെടുക്കുന്നതിലൂടെ ഭാവി തലമുറക്ക് എന്ത് സന്ദേശമാണ് ഇവര് പകര്ന്ന് നല്കുന്നതെന്ന് മനസ്സിലാകുന്നില്ല.
ഈ തോല്വിയെങ്കിലും ഒരു മാറ്റം വരുത്തുമെന്ന് പ്രതീക്ഷിക്കുന്നു. കഴിഞ്ഞ 5 വര്ഷത്തോളം 50 ടെസ്റ്റുകളില് വെറും 33 ശരാശരിയില് ബാറ്റ് ചെയ്യുന്നവരെയൊക്കെ മിഡില് ഓഡറില് പിന്നെയും കളിപ്പിക്കേണ്ട അത്രയും മോശമായ അവസ്ഥയിലുള്ള പ്രതിഭാദാരിദ്രമൊന്നും ഇന്ത്യന് ക്രിക്കറ്റിന് വന്നിട്ടില്ല എന്ന് തലപ്പത്തുള്ളവര് തിരിച്ചറിയേണ്ടിയിരിക്കുന്നു.
Read more
കടപ്പാട്: ക്രിക്കറ്റ് പ്രാന്തന്മാര് 24 x 7