IPL 2025: ആർ അശ്വിനോട് സിഎസ്‌കെ വിടാൻ പറഞ്ഞ് ആരാധകൻ, 'മൂലയിൽ ഇരുന്ന് കരയുന്നു' എന്ന വാചകത്തോടെ മറുപടി നൽകി താരം; വീഡിയോ കാണാം

By
സ്പോര്‍ട്സ് ഡെസ്ക്
|

2025 ലെ ഇന്ത്യൻ പ്രീമിയർ ലീഗിന് മുന്നോടിയായി രവിചന്ദ്രൻ അശ്വിൻ ചെന്നൈ സൂപ്പർ കിംഗ്സിലേക്ക് തിരിച്ചെത്തിയപ്പോൾ, ചെന്നൈ സൂപ്പർ കിങ്‌സിലൂടെ കരിയർ ആരംഭിച്ച താരവും അദ്ദേഹത്തെ കൂടാതെ ചെന്നൈ ആരാധകരും ആവേശഭരിതരായിരുന്നു. എന്നാൽ ആവേശമൊക്കെ പെട്ടെന്ന് തന്നെ കെട്ടടങ്ങുന്ന കാഴ്ചയാണ് പിന്നെ കാണാൻ സാധിച്ചത്.

2025 ലെ ഐ‌പി‌എൽ ലേലം നടക്കുന്നതിന് മുമ്പുതന്നെ തന്നെ ചെന്നൈ സ്വന്തമാക്കുമെന്നും താൻ ഒരിക്കൽക്കൂടി ചെന്നൈ ജേഴ്സിയിൽ ഇറങ്ങും എന്നും അശ്വിൻ പലതവണ തന്റെ ചാനലിലൂടെ ആരാധകരെ അറിയിക്കുകയും ചെയ്‌തു. അദ്ദേഹം ആഗ്രഹിച്ചത് പോലെ ഒരുപക്ഷെ ആഗ്രഹിച്ചതിനേക്കാൾ വലിയ തുകക്ക് ആണ് അദ്ദേഹത്തെ ടീം വിളിച്ചെടുക്കുന്നത്.

എന്നിരുന്നാലും, 9.75 കോടി രൂപക്ക് ചെന്നൈ വിളിച്ചെടുത്ത അശ്വിൻ അമ്പേ പരാജയമായി. 9.13 എന്ന എക്കണോമിയിൽ അദ്ദേഹം 7 വിക്കറ്റുകൾ മാത്രം വീഴ്ത്തി, ബാറ്റിംഗിൽ 33 റൺസ് മാത്രമേ നേടിയുള്ളൂ. ചുരുക്കി പറഞ്ഞാൽ താരത്തിന്റെ കരിയറിലെ ഏറ്റവും മോശം പ്രകടനമാണ് ഈ സീസണിലൂടെ ഉണ്ടായതെന്ന് പറയാൻ സാധിക്കും. എന്തായാലും മോശം പ്രകടനത്തിന് പിന്നാലെ ഉള്ള ട്രോളുകൾ വരുമ്പോൾ അതിൽ അശ്വിനെ വേദനിപ്പിച്ച ഒരു സംഭവം കഴിഞ്ഞ ദിവസം ഉണ്ടായി.

അശ്വിന്റെ യൂട്യൂബ് ചാനലിലെ ഒരു ലൈവ് വീഡിയോ സെഷനിൽ, ഒരു ആരാധകൻ എഴുതി, ‘ഹായ് പ്രിയപ്പെട്ട അശ്വിൻ, ഒരുപാട് സ്നേഹത്തോടെ പറയുന്നു, ദയവായി എന്റെ പ്രിയപ്പെട്ട സി‌എസ്‌കെ കുടുംബത്തെ വിട്ടുപോകൂ’. എന്തായാലും ഈ അഭിപ്രായം വായിച്ച അശ്വിൻ നിരാശനായെങ്കിലും പെട്ടെന്ന് തന്നെ ഇങ്ങനെ പറഞ്ഞു:

“ഫ്രാഞ്ചൈസിയോടുള്ള അദ്ദേഹത്തിന്റെ സ്നേഹമാണ് എനിക്ക് മനസ്സിലാകുന്നത്. ഒരു തെറ്റും ഇല്ല അതിൽ. എന്തെങ്കിലും പറയുമ്പോൾ, അത് നിങ്ങളുടെ മികച്ച താൽപ്പര്യത്തിനനുസരിച്ചാണെന്ന് ഉറപ്പാക്കുക. നിങ്ങൾ എന്താണ് പറയാൻ ശ്രമിക്കുന്നതെന്ന് എനിക്ക് മനസ്സിലാകും. എനിക്കും അതേ സ്നേഹവും താൽപ്പര്യവുമുണ്ട് ടീമിനോട്” അദ്ദേഹം പറഞ്ഞു.

ടീം കിരീടങ്ങൾ നേടിയപ്പോൾ താനും ടീമിന്റെ ഭാഗമായിരുന്നുവെന്നും അതിനാൽ ഈ സീസണിൽ നടത്തിയ മോശം പ്രകടനത്തിൽ നിറസാഹ ഉണ്ടെന്നും അശ്വിൻ സമ്മതിച്ചു

“ഞാൻ കിരീടം നേടിയ ടീമിൻറെ ഭാഗം ആയിട്ടുണ്ട്. അതിനാൽ ഇത്തവണത്തെ ടീമിൻറെ അവസ്ഥയിൽ എനിക്ക് ആദ്യമായി സങ്കടം തോന്നുന്നു. അതുകൊണ്ടാണ് ഞാൻ ഒരു മൂലയിൽ ഇരുന്ന് കരയുന്നത്. അടുത്തതായി മുന്നോട്ടുപോകണം? ഇതാണ് എന്റെ ലക്ഷ്യം.”

എന്നിരുന്നാലും, ഈ സീസണിലെ പ്രകടനത്തിന്റെ അടിസ്ഥാനത്തിൽ സി‌എസ്‌കെ അശ്വിനെ നിലനിർത്തുമോ ഇല്ലയോ എന്നത് ഇപ്പോഴും വ്യക്തമല്ല. കാരണം യുവ കളിക്കാരെ ഉൾപ്പെടുത്തി ടീം പുനർനിർമ്മിക്കാൻ ആകും നിലവിൽ ടീം ആഗ്രഹിക്കുക.