അമേരിക്കയുടെ 46ാം പ്രസിഡന്റായി ജോ ബൈഡന് ഇന്ന് അധികാരമേല്ക്കും. സത്യപ്രതിജ്ഞാ ചടങ്ങുകള്ക്കായി ജോ ബൈഡന് വാഷിംഗ്ടണിലെത്തി. കോവിഡ് ബാധിച്ച് മരിച്ച എല്ലാ യുഎസ് പൗരന്മാര്ക്കും ജോ ബൈഡന് ആദരാഞ്ജലി അര്പ്പിച്ചു. സത്യപ്രതിജ്ഞാ ചടങ്ങില് സുരക്ഷാ ഉദ്യോഗസ്ഥര് തന്നെ ആക്രമണം നടത്തിയേക്കാമെന്ന മുന്നറിയിപ്പുള്ളതിനാല് കനത്ത സുരക്ഷയാണ് വാഷിംഗ്ടണില് ഒരുക്കിയിട്ടുള്ളത്.
ഇന്ത്യൻ സമയം രാത്രി 9.30ന് സത്യപ്രതിജ്ഞാ ചടങ്ങുകൾ ആരംഭിക്കും. വൈസ് പ്രസിഡന്റായി ഇന്ത്യന് വംശജ കൂടിയായ കമലാ ഹാരിസും സത്യപ്രതിജ്ഞ ചെയ്യും. വാഷിംഗ്ടണിലെത്തിയ ജോ ബൈഡന് ആദ്യം സന്ദര്ശിച്ചത് ലിങ്കണ് മെമ്മോറിയലായിരുന്നു. ചില സമയങ്ങള് ഓര്ത്തെടുക്കാന് ബുദ്ധിമുട്ടാണ്. എന്നാല് ഒരു രാജ്യമെന്ന നിലയില് നമ്മള് ഒരുമിച്ച് മുറിവുകള് ഉണക്കുമെന്നും അദ്ദേഹം പറഞ്ഞു.
വാഷിംഗ്ടണ് ഡിസിയിലേക്ക് പോകാന് സാധാരണയായി ഉപയോഗിക്കുന്ന തന്റെ ആംട്രാക്ക് ട്രെയിന് ഉപേക്ഷിച്ച് സ്വകാര്യ വിമാനത്തിലാണ് ജോ ബൈഡന് എത്തിയത്. ജോ ബൈഡന്റെ സത്യപ്രതിജ്ഞാ ചടങ്ങില് ഡൊണള്ഡ് ട്രംപ് പങ്കെടുക്കില്ല.
Read more
എന്നാല് സത്യപ്രതിജ്ഞ ചെയ്യുന്നത് കാണാന് കാത്തുനില്ക്കാതെ ട്രംപ് രാവിലെ തന്നെ ഫ്ലോറിഡയിലേക്ക് പറക്കും. ഫ്ലോറിഡയിലെ പാം ബീച്ച് റിസോട്ടിലെ മാര് എ ലാഗോയിലാവും ട്രംപിന്റെ ഇനിയുള്ള നാളുകള്. വൈസ് പ്രസിഡന്റ് മൈക്ക് പെന്സ് ചടങ്ങിനെത്തും.