ജമ്മുവിലെ നാഗര്ഗോട്ടയിലുള്ള ടോള് പ്ലാസയ്ക്ക് അടുത്ത് സുരക്ഷ ഉദ്യോഗസ്ഥരുമായി ഏറ്റുമുട്ടിയ തീവ്രവാദികളിലൊരാള് കൊല്ലപ്പെട്ടു. ഏറ്റുമുട്ടലില് ഒരു പൊലീസുകാരന് പരിക്കേറ്റു. ഇന്ന് പുലര്ച്ചെ അഞ്ച് മണിയോടെയായിരുന്നു ഏറ്റുമുട്ടല്.
ജമ്മു- ശ്രീനഗര് ദേശീയ പാതയിലുള്ള നാഗര്ഗോട്ട ടോള് പ്ലാസയ്ക്കടുത്ത് നിലയുറപ്പിച്ചിരുന്ന പൊലീസ് സംഘത്തിന് നേരെ നാലോളം പേരുള്പ്പെട്ട തീവ്രവാദികളാണ് വെടിവെച്ചത്. ട്രക്കിലാണ് തീവ്രവാദികളെത്തിയത്. ഇവര് സഞ്ചരിച്ചിരുന്ന ട്രക്ക് തടഞ്ഞ് പോലീസ് പരിശോധന നടത്തുന്നിനിടെയായിരുന്നു വെടിവെയ്പ്പ്.
Read more
പരിക്കേറ്റ പൊലീസുകാരനെ ആശുപത്രിയില് പ്രവേശിപ്പിച്ചു. ഒരാള് കൊല്ലപ്പെട്ടതോടെ മറ്റ് തീവ്രവാദികള് സമീപത്തെ വനമേഖലയിലേക്ക് ഓടി രക്ഷപ്പെട്ടുവെന്ന് ജമ്മു കശ്മീര് ഡിജിപി ദില്ബഗ് സിംഗ് പറഞ്ഞു. ഇവര്ക്കായി തിരച്ചില് നടത്തി വരികയാണെന്നും അദ്ദേഹം പറഞ്ഞു.