തിയേറ്ററുകളില്‍ മഹേഷ് ബാബു ആരാധകരുടെ അതിര് കടക്കുന്ന ആഘോഷം. മഹേഷ് ബാബു ചിത്രം ‘ഖലേജ’യുടെ റീ റിലീസ് ആഘോഷങ്ങളാണ് അതിര് കടന്നിരിക്കുന്നത്. താരത്തോടുള്ള ആരാധനമൂത്ത ഒരു ചെറുപ്പക്കാരന്‍ തിയേറ്ററിലെത്തിയത് ജീവനുള്ള പാമ്പുമായി. വിജയവാഡയിലെ ഒരു തിയേറ്ററിലാണ് സംഭവം.
ചിത്രത്തിലെ ഒരു രംഗത്തില്‍ മഹേഷ് ബാബു മരുഭൂമിയിലൂടെ കയ്യില്‍ പാമ്പിനെ പിടിച്ച് നടക്കുന്ന ഒരു രംഗമുണ്ട്. ഈ രംഗം അനുകരിക്കുകയായിരുന്നു യുവാവ്. റബ്ബര്‍ പാമ്പിനെയാണ് ഇയാള്‍ കൊണ്ടുവന്നത് എന്നായിരുന്നു ആളുകള്‍ ആദ്യം കരുതിയത്. എന്നാല്‍ മഹേഷ് ബാബുവിന്റെ രംഗം വന്നപ്പോള്‍ ഇയാള്‍ സ്‌ക്രീനിന് മുന്നിലൂടെ നടക്കുകയും ഈ സമയത്ത് പാമ്പ് അനങ്ങുകയും ചെയ്തു.
A #MaheshBabu fan took fandom to a wild level during the re-release of #Khaleja.
In a viral video shows fan holding a snake inside the jam packed theatre, recreating the film’s iconic scene.
Khaleja has become the biggest re-release in Telugu cinema history, surpassing the… pic.twitter.com/0toIcbWm8D
— Ashish (@KP_Aashish) May 30, 2025
സംഭവത്തിന്റെ വീഡിയോ സോഷ്യല്‍ മീഡിയയില്‍ പ്രചരിക്കുകയാണ്. അതേസമയം, 2010ല്‍ പുറത്തിറങ്ങിയ ഖലേജ കഴിഞ്ഞ ദിവസമാണ് റീ റിലീസ് ചെയ്തത്. എന്നാല്‍ റീ റിലീസില്‍ സിനിമയുടെ പ്രധാനപ്പെട്ട പല ഭാഗങ്ങളും വെട്ടിയാണ് എത്തിയത്. ഇത് ആരാധകരെ ചൊടിപ്പിച്ചിട്ടുണ്ട്.
ആരാധകര്‍ തിയേറ്റര്‍ തകര്‍ക്കുകയും ജീവനക്കാരോട് കയര്‍ക്കുകയും ചെയ്യുന്ന വീഡിയോകളും സോഷ്യല്‍ മീഡിയയില്‍ എത്തിയിട്ടുണ്ട്. റീ റിലീസില്‍ സിനിമയിലെ പല ഭാഗങ്ങളും ഇല്ലായിരുന്നു. ചില സംഭാഷണങ്ങളും, പാട്ടുകളും സിനിമയില്‍ ഉണ്ടായിരുന്നില്ല. ഈ റീ റിലീസുകൊണ്ട് എന്താണ് പ്രയോജനം എന്നാണ് ഒരു ആരാധകന്‍ സോഷ്യല്‍ മീഡിയയില്‍ കുറിച്ചത്.
Read more
ആരാധകരുടെ അമര്‍ഷവും അക്രമ സംഭവങ്ങളും വൈറലായതോടെ സിനിമാ നിര്‍മ്മാതാക്കള്‍ അയച്ച ഉള്ളടക്കം മാത്രമാണ് തങ്ങള്‍ പ്രദര്‍ശിപ്പിച്ചതെന്ന് തിയേറ്ററടമകള്‍ വ്യക്തമാക്കി. ത്രിവിക്രം ശ്രീനിവാസ് സംവിധാനം ചെയ്ത ചിത്രം ആദ്യ റിലീസ് ചെയ്‌പ്പോള്‍ പരാജയമായിരുന്നുവെങ്കിലും കള്‍ട്ട് പദവി നേടിയിരുന്നു.
