രാജ്യത്ത് കോവിഡ് രോഗികള്‍ വീണ്ടും വര്‍ദ്ധിക്കുന്നു. കഴിഞ്ഞ ഒരാഴ്ച്ചക്കിടെ നാലിരട്ടി രോഗികളാണ് ഇന്ത്യയില്‍ ഉണ്ടായിരിക്കുന്നത്. പ്രതിദിന കോവിഡ് രോഗികളുടെ എണ്ണം 11000 കടന്നു. കഴിഞ്ഞ 24 മണിക്കൂറിനിടെ 11109 പേര്‍ക്കാണ് രോഗം സ്ഥിരീകരിച്ചത്. കഴിഞ്ഞ എട്ട് മാസത്തിനിടയിലെ ഏറ്റവും ഉയര്‍ന്ന കണക്കാണിത്.
പ്രതിദിന പോസിറ്റിവിറ്റി നിരക്ക് 5.01 ശതമാനമാണ്. മഹാരാഷ്ട്ര, കേരളം, ഡല്‍ഹി തുടങ്ങിയ സംസ്ഥാനങ്ങളിലാണ് ഏറ്റവുമധികം കേസുകള്‍ റിപ്പോര്‍ട്ട് ചെയ്യുന്നത്.
Read more
അടുത്ത രണ്ടാഴ്ചത്തേക്ക് രാജ്യത്ത് കോവിഡ് കേസുകള്‍ വര്‍ദ്ധിക്കുമെന്നാണ് ആരോഗ്യവകുപ്പ് നല്‍കുന്ന സൂചന. ഒമിക്രോണിന്റെ ഉപ വകഭേദമായ എക്സ്ബിബി.1.16 ആണ് നിലവില്‍ കോവിഡ് കേസുകളുടെ വര്‍ദ്ധനയ്ക്ക് കാരണമാകുന്നത്. മഹാരാഷ്ട്ര, കേരളം, ഡല്‍ഹി തുടങ്ങിയ സംസ്ഥാനങ്ങള്‍ക്ക് കേന്ദ്ര സര്‍ക്കാര്‍ ജാഗ്രതാനിര്‍ദേശം നല്‍കിയിട്ടുണ്ട്.
