ബാംഗ്ലൂർ മയക്കുമരുന്ന് കേസുമായി ബന്ധപ്പെട്ട സാമ്പത്തിക ഇടപാടിനെ തുടര്‍ന്ന് ബിനീഷ് കോടിയേരിയെ എൻഫോഴ്സ്മെന്റ് അറസ്റ്റ് ചെയ്ത സംഭവത്തിൽ പരിഹാസവുമായി കോൺഗ്രസ് എം.എൽ.എ വി.ടി ബൽറാം. “ഒരു ചെറുപ്പക്കാരനെ അകാരണമായി വേട്ടയാടി നിങ്ങൾക്കൊന്നും മതിയായില്ലേ? അതും ഒരു ലഘുലേഖ പോലും കൈയിൽ വെയ്ക്കാത്ത കുറ്റത്തിന്?” എന്ന് വി.ടി ബൽറാം തന്റെ ഫെയ്സ്ബുക്കിൽ പോസ്റ്റ് ചെയ്തു. പോസ്റ്റിനൊപ്പം ബിനീഷ് കോടിയേരി എ.കെ.ജി സെന്ററിനു മുന്നിൽ ഒറ്റയ്ക്ക് നിൽക്കുന്ന ചിത്രവും ചേർത്തിട്ടുണ്ട്.
മൂന്നരമണിക്കൂർ നീണ്ട ചോദ്യം ചെയ്യലിന് ഒടുവിലാണ് ബിനീഷ് കോടിയേരിയെ എൻഫോഴ്സ്മെന്റ് അറസ്റ്റ് ചെയ്തത്. വൻ പൊലീസ് സന്നാഹത്തിൽ ബിനീഷിനെ എൻഫോഴ്സ്മെന്റ് വാഹനത്തിൽ ബാംഗ്ലൂർ സിറ്റി സിവിൽ കോടതിയിലേക്ക് കൊണ്ടുപോയി. അന്വേഷണ സംഘത്തിന്റെ വാദം കേട്ട കോടതി ബിനീഷിനെ നാല് ദിവസത്തേക്ക് എൻഫോഴ്സ്മെന്റിന്റെ കസ്റ്റഡിയിൽ വിടുകയായിരുന്നു.
Read more
https://www.facebook.com/vtbalram/posts/10158072427319139
