കൊല്ലത്ത് കടല്‍ മണല്‍ ഖനനത്തിനെതിരെ ചെറു വള്ളങ്ങളുമായി മത്സ്യത്തൊഴിലാളികള്‍ കടല്‍ സംരക്ഷണ ശൃംഖല തീര്‍ത്തു. കൊല്ലം ബീച്ചില്‍ നടന്ന ഉപരോധ സമരത്തില്‍ നൂറുകണക്കിന് വള്ളങ്ങള്‍ പങ്കെടുത്തു. സിഐടിയു മത്സ്യത്തൊഴിലാളി ഫെഡറേഷന്റെ നേതൃത്വത്തിലായിരുന്നു ഉപരോധ സമരം.
Read more
ഉപരോധ സമരം സിപിഎം പോളിറ്റ് ബ്യൂറോ അംഗം എംഎ ബേബി ഉദ്ഘാടനം ചെയ്തു. കടല്‍ ഖനനം കുത്തകകള്‍ക്ക് തടിച്ചു കൊഴുക്കാനുള്ള നയത്തിന്റെ ഭാഗമാണെന്നും നീക്കത്തില്‍ നിന്ന് കേന്ദ്ര സര്‍ക്കാര്‍ പിന്‍മാറണമെന്നും എംഎ ബേബി ആവശ്യപ്പെട്ടു. തുടര്‍ സമരങ്ങളുടെ ഭാഗമായി വിവിധ മത്സ്യത്തൊഴിലാളി സംഘടനകളുടെ കൂട്ടായ്മയായ കോര്‍ഡിനേഷന്‍ കമ്മിറ്റി ഈ മാസം 27ന് സംസ്ഥാന വ്യാപകമായി തീരദേശ ഹര്‍ത്താലിന് ആഹ്വാനം ചെയ്തിട്ടുണ്ട്.
