ലോക്സഭാ തെരഞ്ഞെടുപ്പിൽ മത്സരിക്കാനില്ലെന്ന് വ്യക്തമാക്കി കേരളാ കോൺഗ്രസ് എം ചെയർമാൻ ജോസ് കെ മാണി. പാർട്ടി തനിക്ക് ഏൽപ്പിച്ച് തന്നിരിക്കുന്നത് സ്ഥാനാർത്ഥിത്വത്തേക്കാൾ വലിയ ഉത്തരവാദിത്വമാണ്. അത് നിർവഹിക്കുന്നതിലാണ് ശ്രദ്ധ എന്നും ജോസ് കെ മാണി കോട്ടയത്ത് പറഞ്ഞു.
അതേ സമയം ലേക്സഭയിൽ മത്സരിക്കാനില്ലെന്ന് ജോസ് കെ മാണി വ്യക്തമാക്കിയതോടെ തോമസ് ചാഴിക്കാടന് ഒരു തവണ കൂടി അവസരം കിട്ടുമോയെന്ന് കണ്ടറിയണം.കോട്ടയം ലോക്സഭ സീറ്റിലെ സ്ഥാനാര്‍ത്ഥിത്വം സംബന്ധിച്ച് ഇരു മുന്നണികളിലും കക്ഷികള്‍ തമ്മില്‍ അനൗദ്യോഗിക ആശയവിനമയം നടക്കുന്നുണ്ട്.
Read more
കോണ്‍ഗ്രസ് കോട്ടയം സീറ്റ് ഏറ്റെടുക്കണമെന്ന ആവശ്യം യുഡിഎപിൽ ശ്കമായി ഉയർന്നിട്ടുണ്ട്. അന്തരിച്ച മുൻമുഖ്യമന്ത്രി ഉമ്മൻചാണ്ടിയുടെ മകൾ അച്ചു ഉമ്മൻ സ്ഥാനാർത്ഥിയാകണമെന്നാണ് ഒരു വിഭാഗത്തിന്റെ ആവശ്യം. എന്നാൽ ജോസഫ് ഗ്രൂപ്പിന് സീറ്റ് കൊടുക്കണമെന്നും പിജെ ജോസഫ് മത്സരിക്കണമെന്നും കേരള കോണ്‍ഗ്രസ് ജോസഫ് വിഭാഗവും ആവശ്യപ്പെട്ടിട്ടുണ്ട്.
