പത്തനംതിട്ടയില് ദളിത് കുടുംബത്തെ പൊലീസ് മര്ദ്ദിച്ചെന്ന പരാതിയില് എസ്ഐക്ക് സ്ഥലംമാറ്റം. പത്തനംതിട്ട പൊലീസ് സ്റ്റേഷനിലെ എസ്ഐ ജിനുവിനെയാണ് ജില്ലാ പൊലീസ് ആസ്ഥാനത്തേക്ക് സ്ഥലംമാറ്റിയത്. എസ്ഐ ജിനുവും സംഘവും ആളു മാറിയാണ് കുടുംബത്തെ തല്ലിയതെന്നാണ് സ്പെഷ്യല് ബ്രാഞ്ച് റിപ്പോര്ട്ടില് പറയുന്നത്.
ക്രമ സമാധാനച്ചുമതലയില് നിന്ന് എസ്ഐ ജിനുവിനെ മാറ്റി നിര്ത്തും. അന്വേഷണ റിപ്പോര്ട്ട് പുറത്തു വന്ന ശേഷം കൂടുതല് നടപടിക്ക് സാധ്യത. കഴിഞ്ഞ ദിവസം രാത്രി 11 മണിയോടെയാണ് എസ്ഐ ജിനുവും സംഘവും അടൂരില് കല്യാണ ചടങ്ങില് പങ്കെടുത്തു മടങ്ങിയ കുടുംബത്തെ അകാരണമായി തല്ലിച്ചതച്ചത്. ലാത്തിയടിയില് ശ്രീജിത്ത് എന്നയാളുടെ തലക്ക് ഗുരുതര പരിക്കേറ്റു.
Read more
ശ്രീജിത്തിന്റെ ഭാര്യ സിതാരക്കും പരിക്കേറ്റു. സംഭവത്തില് ദക്ഷിണ മേഖല ഡിഐജി റിപ്പോര്ട്ട് ആവശ്യപ്പെട്ടിട്ടുണ്ട്. പത്തനംതിട്ട ഡിവൈഎസ്പി നന്ദകുമാര് ജനറല് ആശുപത്രിയിലെത്തി കുടുംബത്തിന്റെ മൊഴിയെടുത്തു. അന്വേഷണം പുരോഗമിക്കുകയാണെന്ന് ഡിവൈഎസ്പി പറഞ്ഞു. സിതാരയുടെ പരാതിയില് എഫ് ഐ ആര് രജിസ്റ്റര് ചെയ്തെങ്കിലും പ്രതികളില് ആരുടെയും പേര് വിവരങ്ങള് ഉള്പ്പെടുത്തിയിട്ടില്ല.