കമല്ഹാസനും സംവിധായകന് ലോകേഷ് കനകരാജും ഒന്നിക്കുന്ന പുതിയ ചിത്രം “വിക്ര”ത്തിന്റെ ടീസര് ട്രെന്ഡിംഗാവുന്നു. ഇന്നലെ കമല്ഹാസന്റെ പിറന്നാള് ദിനത്തിലാണ് ടീസര് പുറത്തുവിട്ടത്. കമലിന്റെ 232ാമത് സിനിമയും ലോകേഷിന്റെ അഞ്ചാമത്തെ സിനിമയുമാണിത്. ഗ്യാംഗ്സ്റ്റര് സിനിമയാണ് വിക്രം എന്നാണ് ടീസറില് നിന്നുള്ള സൂചന.
പതിനെട്ട് മണിക്കൂറിനുള്ളില് 29 ലക്ഷത്തിലധികം വ്യൂസ് ആണ് ടീസറിന് ലഭിച്ചിരിക്കുന്നത്. നിഗൂഡമായ കഥാപാത്രമായാണ് ടീസറില് കമല് പ്രത്യക്ഷപ്പെടുന്നത്. കമല്ഹാസന്റെ നിര്മ്മാണ കമ്പനിയായ രാജ്കമല് ഫിലിംസ് ആണ് ചിത്രം നിര്മ്മിക്കുന്നത്. അനിരുദ്ധ് രവിചന്ദറാണ് സംഗീതം ഒരുക്കുന്നത്. അടുത്ത വര്ഷമാണ് സിനിമ പ്രദര്ശനത്തിനെത്തുക.
വിക്രം എന്ന പേരില് 1986ല് കമല്ഹാസന്റെ മറ്റൊരു ചിത്രം റിലീസ് ചെയ്തിട്ടുണ്ട്. അന്നത്തെ ബിഗ് ബജറ്റ് ചിത്രങ്ങളിലൊന്നായ സിനിമ കമലിന്റെ സൂപ്പര് ഹിറ്റുകളിലൊന്നാണ്. അതേസമയം, വിജയ് നായകനായ മാസ്റ്റര് ആണ് ലോകേഷ് കനകരാജിന്റെതായി റിലീസിന് ഒരുങ്ങുന്നത്.
Read more
കോവിഡ് പ്രതിസന്ധികള്ക്കിടെ റിലീസ് മാറ്റിവച്ചിരിക്കുകയാണ്. കാര്ത്തിയെ നായകനാക്കി ഒരുക്കിയ കൈദി എന്ന ചിത്രത്തിലൂടെയാണ് ലോകേഷ് ശ്രദ്ധേയനായത്. ചിത്രം 100 കോടി ക്ലബ്ബില് ഇടംപിടിച്ചിരുന്നു. കൈദിയുടെ രണ്ടാം ഭാഗം ഒരുക്കുമെന്ന റിപ്പോര്ട്ടുകളുമുണ്ട്.