ദുല്‍ഖറിനെ നായകനാക്കി ടിനു പാപ്പച്ചന്‍ തന്റെ അടുത്ത ചിത്രം സംവിധാനം ചെയ്യുമെന്ന് റിപ്പോര്‍ട്ട്. മുമ്പ് മോഹന്‍ലാലിനെ നായകനാക്കി ടിനു ഒരു ചിത്രം പ്രഖ്യാപിച്ചിരുന്നു. അതിനാല്‍ ആരാധകര്‍ ആകാംക്ഷയോടെ ആ സിനിമയ്ക്കായി കാത്തിരിക്കുകയായിരുന്നു. എന്നാല്‍ ഇതിനിടെയാണ് ദുല്‍ഖറിനൊപ്പമുള്ള ചിത്രത്തിന്റെ വിവരങ്ങള്‍ പുറത്തുവരുന്നത്.
നിലവില്‍ ടിനു പാപ്പച്ചന്‍ ലിജോ ജോസ് പെല്ലിശ്ശേരിയുടെ മോഹന്‍ലാല്‍ ചിത്രം ‘മലൈക്കോട്ടൈ വാലിബ’ന്റെ ഷൂട്ടിംഗ് തിരക്കിലാണ്. അതിന് ശേഷമായിരിക്കും ദുല്‍ഖര്‍ ചിത്രം ആരംഭിക്കുക എന്നാണ് റിപ്പോര്‍ട്ട്. ടിനുവിന്റെ മോഹന്‍ലാല്‍ ചിത്രം വൈകുമെന്നാണ് സൂചന.
നിലവില്‍ ദുല്‍ഖര്‍ സല്‍മാന്‍ തന്റെ പാന്‍ ഇന്ത്യന്‍ ചിത്രമായ ‘കിംഗ് ഓഫ് കൊത്ത’യുടെ ചിത്രീകരണത്തിലാണ്. സംവിധായകന്‍ ജോഷിയുടെ മകന്‍ അഭിലാഷ് ജോഷിയുടെ ആദ്യ സിനിമയായ ‘കിംഗ് ഓഫ് കൊത്ത’ ഒരു ബിഗ് ബഡ്ജറ്റ് പീരീഡ് ചിത്രമാണ്.
തമിഴ്‌നാട്ടിലെ കരൈക്കുടിയിലാണ് 95 ദിവസത്തെ ചിത്രീകരണം നടന്നത്. ചിത്രം നിര്‍മ്മിക്കുന്നത് വെഫേറര്‍ ഫിലിംസും സീ സ്റ്റുഡിയോയും ചേര്‍ന്നാണ്. ജേക്‌സ് ബിജോയ്, ഷാന്‍ റഹ്‌മാന്‍ എന്നിവരാണ് സംഗീതസംവിധാനം നിര്‍വഹിക്കുന്നത്.
Read more
ആക്ഷന് ഏറെ പ്രാധാന്യമുള്ള ചിത്രത്തിന്റെ സംഘട്ടനരംഗങ്ങളൊരുക്കുന്നത് രാജശേഖറാണ്. ഛായാഗ്രഹണം- നിമീഷ് രവി, സ്‌ക്രിപ്റ്റ്- അഭിലാഷ് എന്‍ ചന്ദ്രന്‍, എഡിറ്റര്‍- ശ്യാം ശശിധരന്‍, മേക്കപ്പ്- റോണെക്‌സ് സേവിയര്‍, വസ്ത്രാലങ്കാരം- പ്രവീണ്‍ വര്‍മ്മ, സ്റ്റില്‍- ഷുഹൈബ് എസ് ബി കെ, പ്രൊഡക്ഷന്‍ കണ്‍ട്രോളര്‍- ദീപക് പരമേശ്വരന്‍. ഡിജിറ്റല്‍ മാര്‍ക്കറ്റിങ് അനൂപ് സുന്ദരന്‍, വിഷ്ണു സുഗതന്‍, പി ആര്‍ ഓ- പ്രതീഷ് ശേഖര്‍.
