നിര്‍മ്മാതാവും വ്യവസായിയുമായ സായ് വെങ്കിടേഷ് പ്രധാന വേഷത്തില്‍ എത്തുന്ന ‘റബേക്ക സ്റ്റീഫന്റെ ചതുരമുറി 6.5 ഇഞ്ച്’ ചിത്രം അണിയറയില്‍ ഒരുങ്ങുന്നു. ആശ്വാസ് മൂവി പ്രൊഡക്ഷന്‍സിന്റെ ബാനറില്‍ ആശ്വാസ് ശശിധരന്‍ നിര്‍മ്മിക്കുന്ന ചിത്രം സംവിധാനം ചെയ്യുന്നത് നിരവധി ചിത്രങ്ങളുടെ പരസ്യ കലാസംവിധായകനായ മുഹമ്മദ് സജീഷാണ്.
സംവിധായകന്‍ തന്നെയാണ് ചിത്രത്തിന്റെ രചനയും. ഒരു വടക്കന്‍ പങ്കാളി, രണ്ടാം പകുതി, കരുവ്, ദ്രാവിഡ രാജകുമാരന്‍, ഡസ്റ്റ് ബീന്‍ തുടങ്ങി ഒട്ടേറെ ചിത്രങ്ങളില്‍ അഭിനയിച്ച താരമാണ് സായ് വെങ്കിടേഷ്. ജ്വല്ലറി ബിസിനസ്സ് രംഗത്ത് മൂന്ന് പതിറ്റാണ്ടോളം പ്രവര്‍ത്തിച്ചു വന്ന സായിക്ക് സിനിമയോടുള്ള പാഷനാണ് ബിസിനസ്് രംഗത്ത് നിന്ന് സിനിമാരംഗത്തേക്ക് വരാന്‍ ഇടയാക്കിയത്.
സായ് വെങ്കിടേഷ് ചില ചിത്രങ്ങളില്‍ നിര്‍മ്മാണ പങ്കാളിയുമായിട്ടുണ്ട്. അഭിനയത്തോടൊപ്പം സിനിമയുടെ പുത്തന്‍ തലമായ ഒടിടി രംഗത്ത് തീയേറ്റര്‍ പ്ലേ എന്ന പ്ലാറ്റ്‌ഫോം സായിക്കും സുഹൃത്തുക്കള്‍ക്കും ഉണ്ട്. എങ്കിലും അഭിനയത്തോടാണ് ഏറ്റവും പ്രിയമെന്ന് സായ് വെങ്കിടേഷ് പറയുന്നു.
Read more
സിനിമയില്‍ സജീവമായതോടെ കൂടുതല്‍ അവസരങ്ങള്‍ തന്നെ തേടി വരുന്നതായും അദ്ദേഹം പറഞ്ഞു. മൂന്ന് സ്ത്രീ കഥാപാത്രങ്ങളെ കേന്ദ്രീകരിച്ച് നീങ്ങുന്ന കൗമാരക്കാരുടെ കഥ പറയുന്ന റബേക്ക സ്റ്റീഫന്റെ ചതുരമുറി 6.5 ഇഞ്ചില്‍ ഏറെ ശ്രദ്ധേയമായ വേഷത്തിലാണ് സായ് എത്തുക. പി.ആര്‍.ഒ: പി.ശിവപ്രസാദ്.
