മെയ് മാസത്തില് റിലീസിന് ഒരുങ്ങുന്ന പ്രഭാസ് ചിത്രം ‘കല്ക്കി 2898 എഡി’യുടെ റിലീസ് മാറ്റി വയ്ക്കുമെന്ന് റിപ്പോര്ട്ടുകള്. തെലുങ്ക് സംസ്ഥാനങ്ങളില് മെയ് 13 നാണ് പൊതുതെരഞ്ഞെടുപ്പ് പ്രഖ്യാപിച്ചിരിക്കുന്നത്. ഇതിനെ തുടര്ന്ന് സിനിമയുടെ റിലീസ് മാറ്റി വയ്ക്കുമെന്നാണ് പുതിയ റിപ്പോര്ട്ടുകള് എത്തുന്നത്.
തിരഞ്ഞെടുപ്പ് ദിവസം സിനിമ റിലീസ് ചെയ്താല് ഇത് ആദ്യ ദിനങ്ങളിലെ കളക്ഷനെ ബാധിക്കുമെന്നാണ് അണിയറപ്രവര്ത്തകരുടെ നിഗമനം. ഇതേ തുടര്ന്നാണ് റിലീസ് നീട്ടുന്നത് എന്നാണ് സൂചന. ഇന്ത്യന് സിനിമയില് ഈ വര്ഷം റിലീസിനെത്തുന്ന ഏറ്റവും മുതല്മുടക്കുള്ള ചിത്രമാണ് പ്രഭാസിന്റെ കല്ക്കി.
നാഗ് അശ്വിന്റെ സംവിധാനത്തില് എത്തുന്ന ചിത്രം 600 കോടി ബജറ്റിലാണ് ഒരുങ്ങുന്നത്. ദീപിക പദുക്കോണ്, അമിതാഭ് ബച്ചന്, കമല് ഹാസന്, ദിഷ പഠാനി തുടങ്ങി ഇന്ത്യന് സിനിമയിലെ പ്രമുഖ താരങ്ങള് ഒന്നിക്കുന്ന ചിത്രമാണ് കല്ക്കി.
അമിതാഭ് ബച്ചന്, കമല് ഹാസന്, ദീപിക പദുക്കോണ്, ദിഷ പഠാനി എന്നീ താരങ്ങള് അണിനിരക്കുന്ന ചിത്രത്തില് ഒരു മലയാളി താരവും വേഷമിടുന്നുണ്ട്. മലയാളത്തിലെ യുവനിരയിലെ ശ്രദ്ധേയ താരം അന്ന ബെന് കല്ക്കിയുടെ ഭാഗമാകുന്നുണ്ട്.