അല്ലു അര്‍ജുന്‍ നായകനാകുന്ന “പുഷ്പ” ചിത്രത്തിന്റെ ട്രെയ്‌ലര്‍ ശ്രദ്ധ നേടുന്നു. അല്ലു അര്‍ജുന്റെ കിടിലന്‍ ആക്ഷന്‍ രംഗങ്ങള്‍ തന്നെയാണ് ടീസറിന്റെ ഹൈലൈറ്റ്. താരത്തിന്റെ 38ാം പിറന്നാളിനോട് അനുബന്ധിച്ചാണ് ടീസര്‍ എത്തിയിരിക്കുന്നത്. ആര്യ, ആര്യ 2 എന്നീ സൂപ്പര്‍ ഹിറ്റുകള്‍ക്ക് ശേഷം അല്ലുവും സുകുമാറും ഒന്നിക്കുന്ന ചിത്രം കൂടിയാണിത്.
കള്ളക്കടുത്തുകാരന്‍ പുഷ്പരാജ് ആയാണ് അല്ലു ചിത്രത്തില്‍ വേഷമിടുന്നത്. ചന്ദനക്കടത്ത് പ്രമേയമാവുന്ന ചിത്രത്തിലെ അല്ലു അര്‍ജുന്റെ വ്യത്യസ്തമായ ലുക്ക് നേരത്തേ സോഷ്യല്‍ മീഡിയയില്‍ ചര്‍ച്ചയായിരുന്നു. മലയാളി താരം ഫഹദ് ഫാസിലും ചിത്രത്തില്‍ പ്രധാന വേഷത്തിലെത്തുന്നുണ്ട്.
എന്നാല്‍ ടീസറില്‍ ഫഹദ് പ്രത്യക്ഷപ്പെടാത്താതിനെ കുറിച്ച് ആരാധകര്‍ കമന്റുകളില്‍ ചോദിക്കുന്നുണ്ട്. കന്നഡ നടന്‍ ഡോളി ധനഞ്ജയും മറ്റൊരു പ്രധാനവേഷത്തിലുണ്ട്. രശ്മിക മന്ദാനയാണ് നായിക. മുറ്റംസെട്ടി മീഡിയയുമായി ചേര്‍ന്ന് മൈത്രി മൂവി മേക്കേഴ്‌സ് ആണ് ചിത്രം നിര്‍മ്മിക്കുന്നത്. റസൂല്‍ പൂക്കുട്ടിയാണ് ചിത്രത്തിന്റെ ശബ്ദമിശ്രണം.
Read more
ദേവി ശ്രീ പ്രസാദ് സംഗീതവും മിറോസ്ലോവ് ക്യൂബ ബ്രോസെക് ഛായാഗ്രഹണവും നിര്‍വ്വഹിക്കുന്നു. എഡിറ്റിംഗ് കാര്‍ത്തിക ശ്രീനിവാസ്. പീറ്റര്‍ ഹെയ്നും രാം ലക്ഷമണുമാണ് ഫൈറ്റ് മാസ്റ്റേഴ്സ്. മലയാളം, തമിഴ്, ഹിന്ദി, കന്നഡ ഭാഷകളില്‍ മൊഴിമാറ്റിയും ചിത്രം പ്രദര്‍ശനത്തിനെത്തും.
