വിജയ് സേതുപതി മലയാള അരങ്ങേറ്റ ചിത്രം മാര്ക്കോണി മത്തായി തീയേറ്ററുകളില് പ്രദര്ശനം തുടരുകയാണ്. സനല് കളത്തിലിന്റെ സംവിധാനത്തില് ഒരുങ്ങിയ സിനിമയില് മലയാളം മനസിലാക്കാന് ബുദ്ധിമുട്ടില്ലെങ്കിലും പറയാന് തനിക്ക് പ്രയാസമാണെന്ന് വിജയ് സേതുപതി. “മാര്ക്കോണി മത്തായി”യില് പറയാന് ഏറ്റവും ബുദ്ധിമുട്ടിയ സംഭാഷണത്തെക്കുറിച്ച് പറയുകയാണ് അദ്ദേഹം, മനോരമ ദിനപത്രത്തിന് നല്കിയ അഭിമുഖത്തില്.
“പ്രണയിച്ച് ജീവിക്കുന്നവര്ക്കും പ്രണയിച്ച് മരിച്ചവര്ക്കും പ്രണയിക്കുന്നവര്ക്കും പ്രണയിക്കാന് പോകുന്നവര്ക്കും പ്രണയത്തെക്കുറിച്ച് മാത്രം സംസാരിക്കാം.. അങ്ങനെ നീളമുള്ള ഒരു ഡയലോഗ് ഉണ്ടായിരുന്നു. അത് അല്പം വിഷമിപ്പിച്ചു. മറ്റ് ഡയലോഗുകളെല്ലാം തമിഴില് തന്നെയാണ്”, വിജയ് സേതുപതി പറയുന്നു.
ആത്മീയയാണ് മാര്ക്കോണി മത്തായിയിലെ നായിക.സജന് കളത്തില് ഛായാഗ്രഹണം നിര്വഹിക്കുന്ന ഈ ചിത്രത്തിന്റെ തിരക്കഥയും സംഭാഷണവുമെഴുതുന്നത് സനില് കളത്തില്, റെജീഷ് മിഥില എന്നിവര് ചേര്ന്നാണ്. സത്യം സിനിമാസിന്റെ ബാനറില് പ്രേമചന്ദ്രന് എ. ജിയാണ് ചിത്രം നിര്മ്മിക്കുന്നത്.
Read more
കണ്മണി രാജയാണ് ചിത്രത്തിന്റെ തമിഴ് ഡയലോഗുകള് ചെയ്യുന്നത്.അനില് പനച്ചൂരാന്, ബി.കെ ഹരി നാരായണന് എന്നിവരുടെ വരികള്ക്ക് എം.ജയചന്ദ്രന് സംഗീതം പകരുന്നു. അജു വര്ഗീസ്, ജോയ് മാത്യു, സുധീര് കരമന, മാമുക്കോയ, അനീഷ്,കലാഭവന് പ്രജോദ്, ഇടവേള ബാബു, മല്ലിക സുകുമാരന്, ശശി കലിംഗ, ടിനി ടോം തുടങ്ങി നിരവധി താരങ്ങള് ചിത്രത്തില് അണിനിരക്കുന്നുണ്ട്.