കാലാകാലം ആരെയും വിലക്കാന്‍ പറ്റില്ലെന്ന് നടന്‍ ഷൈന്‍ ടോം ചാക്കോ. ഷെയ്ന്‍ നിഗത്തിനെയും ശ്രീനാഥ് ഭാസിയെയും വിലക്കിയ നടപടിയിലണ് ഷൈന്‍ പ്രതികരിച്ചത്. ലിസ്റ്റ് നിരത്താനാണെങ്കില്‍ ജോലി ചെയ്തിട്ട് കാശ് കിട്ടാത്തതിന്റെ ലിസ്റ്റ് തങ്ങളും നിരത്തുമെന്നാണ് ഷൈന്‍ പറയുന്നത്.
”ശ്രീനാഥ് ഭാസി ആണെങ്കിലും ഷെയ്ന്‍ നിഗം ആണെങ്കിലും ഞങ്ങള്‍ ഒരുമിച്ച് സിനിമ ചെയ്യാന്‍ തുടങ്ങിയവരാണ്. വിലക്കാന്‍ ആണെങ്കില്‍ അവര്‍ വിലക്കട്ടെ, എന്താണ് അതില്‍ കൂടുതല്‍ സംഭവിക്കുക. തിലകനെ വിലക്കിയിരുന്നില്ലേ. തൊഴില്‍ ചെയ്യുന്നവരെ വിലക്കാന്‍ ആര്‍ക്കും പറ്റില്ല.”
Also read
അതേസമയം, ഏപ്രില്‍ 25 മുതലാണ് നടന്മാരായ ഷെയ്ന്‍ നിഗത്തിനും ശ്രീനാഥ് ഭാസിക്കും സിനിമാ സംഘടനകള്‍ വിലക്കേര്‍പ്പെടുത്തിയത്. കൂടുതല്‍ പരാതികള്‍ ലഭിച്ച സാഹചര്യത്തിലാണ് ഇരുവര്‍ക്കുമെതിരെ നടപടി സ്വീകരിച്ചതെന്ന് സിനിമാ സംഘടനകളുടെ സംയുക്ത വാര്‍ത്താ സമ്മേളനത്തില്‍ അറിയിച്ചത്.
Read more
ലഹരി ഉപയോഗം ഉള്‍പ്പെടെയുള്ള ഗുരുതരമായ ആരോപണങ്ങള്‍ ഉന്നയിച്ച് കൂടുതല്‍ പേരിലേക്ക് നടപടി നീളുമെന്നും പ്രസ് മീറ്റില്‍ സിനിമാ സംഘടനകള്‍ വ്യക്തമാക്കിയിരുന്നു. തന്റെ ഭാഗം വിശദീകരിച്ച് ഷെയ്ന്‍ അമ്മ സംഘടനയ്ക്ക് കത്ത് അയച്ചിട്ടുണ്ട്. ശ്രീനാഥ് ഭാസി സംഘടനയില്‍ അംഗത്വം നേടാന്‍ അപേക്ഷ സമര്‍പ്പിച്ചിട്ടുണ്ട്.
