ഫഹദിന്റെ പുതിയ ചിത്രം മാലിക് മികച്ച പ്രതികരണം നേടി മുന്നേറുന്നതിനിടയില് പുതിയ പ്രഖ്യാപനവുമായി മഹേഷ് നാരായണന്.
സി യു സൂണിനൊരു രണ്ടാം ഭാഗമുണ്ടാകുമെന്ന് സ്ഥിരീകരിച്ചിരിക്കുകയാണ് സംവിധായകന്. മഹേഷും ഫഹദും ഒരുമിച്ച ചിത്രമായിരുന്നു സി യു സൂണ്. ലോക്ക്ഡൗണ് കാലത്ത് ചിത്രീകരിച്ച സി യു സൂണ് പൂര്ണമായും സ്ക്രീനുകളിലൂടെ കഥ പറഞ്ഞ ചിത്രമായിരുന്നു. ഇന്ത്യന് സിനിമയെ തന്നെ ഞെട്ടിച്ച ചിത്രം വലിയ ചര്ച്ചയായി മാറിയിരുന്നു. എങ്ങനെ പ്രതിസന്ധിയെ ക്രാഫ്റ്റ് കൊണ്ട് നേരിടാം എന്ന് മഹേഷ് നാരായണന് കാണിച്ചു തരുകയായിരുന്നു സി യു സൂണിലൂടെ.
ഫില്മിബീറ്റ് മലയാളത്തിന് നല്കിയ അഭിമുഖത്തിലായിരുന്നു അദ്ദേഹം സി യു സൂണിന്റെ രണ്ടാം ഭാഗം ഒരുങ്ങുന്നതായി സ്ഥിരീകരിച്ചിരിക്കുന്നത്. എന്നാല് ഇത്തവണ തീയേറ്റര് റിലീസിന് വേണ്ടിയായിരിക്കും ചിത്രമൊരുക്കുന്നതെന്നും അതിനായി തീയേറ്ററുകള് തുറക്കുന്ന സമയത്തിനായി കാത്തിരിക്കുകയാണെന്നും മഹേഷ് പറയുന്നു. ആദ്യ ഭാഗത്തിന്റെ തുടര്ച്ചയായിരിക്കില്ല രണ്ടാം ഭാഗമെന്നും ആദ്യ ഭാഗത്തില് കാണാതെ പോയതായിരിക്കും രണ്ടാം ഭാഗത്തില് കാണുകയെന്നും മഹേഷ് പറഞ്ഞു.
Read more
സി യു സൂണില് കാണാതെ പോയ കാര്യങ്ങള് കഥാപാത്രങ്ങളുടേയും സംവിധായകന്റേയും കാഴ്ചപ്പാടിലൂടെ അവതരിപ്പിക്കുന്നതായിരിക്കും രണ്ടാം ഭാഗം. എന്നാല് ആ സിനിമ തീയേറ്ററിന് വേണ്ടിയായിരിക്കും ഒരുക്കുക എന്നതിനാല് ഇപ്പോള് അത്തരമൊരു സാഹചര്യത്തിനായി കാത്തിരിക്കുകയാണെന്നും മഹേഷ് നാരായണന് ഫില്മിബീറ്റ് മലയാളത്തോട് പറഞ്ഞു.