അഭിനയത്തിലേക്ക് തിരിച്ചു വരാത്തതിന്റെ കാരണം പറഞ്ഞ് നടി ശരണ്യ മോഹന്‍. അഭിനയത്തിലേക്ക് തിരിച്ചു വരാത്തത് ഭര്‍ത്തവ് അരവിന്ദ് തടഞ്ഞത് കൊണ്ടല്ല, നല്ല അവസരം കിട്ടാത്തതു കൊണ്ടാണ് സിനിമയിലേക്ക് തിരിച്ചു വരാത്തത് എന്നാണ് ശരണ്യ പറയുന്നത്.

അഭിനയത്തിലേക്ക് തിരിച്ചുവരാത്തത് അരവിന്ദ് തടഞ്ഞത് കൊണ്ടല്ല. അഭിനയിക്കാന്‍ പോയിക്കോ പോയിക്കോ എന്നാണ് പറയുന്നത്. നല്ല അവസരം കിട്ടുക എന്നതാണ് പ്രധാനം. പിന്നെ ഇപ്പോള്‍ ഡാന്‍സ് സ്‌കൂളും കുഞ്ഞുങ്ങളും ഒക്കെയായി തിരക്കില്‍ ആണ്. സോഷ്യല്‍ മീഡിയയില്‍ ഇപ്പോള്‍ മക്കളും ആക്ടീവാണ്.

അവര്‍ക്ക് ക്യാമറയെ ഫേസ് ചെയ്യാനുള്ള മടിയൊന്നും ഇല്ല എന്നാണ് താരം പറയുന്നത്. ഇതിനൊപ്പം ശരണ്യയുടെ ഭര്‍ത്താവ് ഡോ. അരവിന്ദും സംസാരിക്കുന്നുണ്ട്. താര പരിവേഷം ഉള്ള ഒരാളെയല്ല താന്‍ വിവാഹം ചെയ്തത്, അതുകൊണ്ട് ഒരു നടിയെ കല്യാണം കഴിച്ചു എന്ന തോന്നല്‍ തനിക്കില്ല എന്നാണ് അരവിന്ദ് പറയുന്നത്.

എല്ലാവര്‍ക്കും ഒപ്പം കളിച്ച് ചിരിച്ച് കഴിയുന്ന സാധാരണ പെണ്‍കുട്ടി തന്നെയാണ്. വീട്ടിലെ ജോലികള്‍ എല്ലാം ചെയ്യുന്നത് ശരണ്യയും അമ്മയും തന്നെയാണ്. വീട്ടു ജോലിക്കാരൊന്നും ഇല്ല. ഓവര്‍ ക്ലീനിങിന്റെ അസുഖം ഉള്ള ആളാണ് ശരണ്യ. എന്തും എടുത്താല്‍ എടുത്തിടത്ത് വയ്ക്കണം.

എപ്പോഴും നീറ്റ് ആയിരിക്കണം. ആ വിഷയത്തില്‍ തങ്ങള്‍ ഇടയ്ക്ക് കൊമ്പ് കോര്‍ക്കാറുണ്ട്. പക്ഷെ താനും മക്കളും അനുസരണയുള്ളവര്‍ ആയത് കൊണ്ട് മിണ്ടാതെ പോവും. അതുകൊണ്ട് വലിയ പ്രശ്നങ്ങളില്ല എന്നാണ് അരവിന്ദ് പറയുന്നത്. സീ മലയാളത്തിന് നല്‍കിയ അഭിമുഖത്തിലാണ് ശരണ്യയും ഭര്‍ത്താവും സംസാരിച്ചത്.