സിനിമാ പ്രേമികളെ ചിരിപ്പിച്ച് രസിപ്പിക്കുക എന്ന ലക്ഷ്യത്തോടെ തിയേറ്ററുകളിലേക്ക് എത്താന്‍ ഒരുങ്ങുന്ന ചിത്രമാണ് ജനമൈത്രി. ജോണ്‍ മാന്ത്രിക്കല്‍ സംവിധാനം ചെയ്യുന്ന ചിത്രത്തില്‍ ഇന്ദ്രന്‍സ്, സാബുമോന്‍, വിജയ് ബാബു, സൈജു കുറുപ്പ്, അനീഷ് ഗോപാല്‍, ഉണ്ണി രാജന്‍ പി ദേവ്, സിദ്ധാര്‍തഥ ശിവ, സൂരജ്, പ്രശാന്ത് തുടങ്ങി ചിരിയുടെ മാലപ്പടക്കം പൊട്ടിക്കാന്‍ മുന്‍നിര ഹാസ്യതാരങ്ങളാണ് അണിനിരക്കുന്നത്. “ആട്” പോലെ തന്നെ മനസു തുറന്നു ചിരിക്കാന്‍ പറ്റിയ ഒരു സിനിമയാണ് ജനമൈത്രി എന്നാണ് സൈജു കുറിപ്പ് പറയുന്നത്.
“ഒരു പൊലീസ് സ്റ്റോറിയാണ് ജനമൈത്രി. സാധാരണ ഒരു പൊലീസ് സ്റ്റോറി എന്നു കേള്‍ക്കുമ്പോള്‍ ത്രില്ലറോ ആക്ഷനോ ആവും പ്രതീക്ഷിക്കുക. അതില്‍ നിന്ന് വ്യത്യസ്തമായി നന്നായി ഒരു കോമഡി ചിത്രമാണിത്. ആട് എന്ന സിനിമ ഇഷ്ടപ്പെട്ടവരാണ് മിക്കവരും. അതേപോലെ അത്രയും തന്നെ ചിരിപ്പിക്കുന്ന ഒരു ചിത്രമായിരിക്കും ഇതും. ജോണ്‍ മന്ത്രിക്കല്‍ ഈ കഥയുടെ പ്ലോട്ട് പറഞ്ഞപ്പോള്‍ അത് വളരെ എനിക്ക് ഇഷ്ടപ്പെട്ടു. കേരളത്തിലെ പൊലീസുകാര്‍ ചെയ്യുന്ന ഒരു സംഭവമാണിത്. ആ പ്ലോട്ടില്‍ നിന്നാണ് കഥ ജനിച്ചത്.” സൈജു കുറിപ്പ് പറഞ്ഞു.
Read more
ആന്‍ മരിയ കലിപ്പിലാണ്, അലമാര, അര്‍ജന്റീന ഫാന്‍സ് കാട്ടൂര്‍കടവ് എന്നീ ചിത്രങ്ങളുടെ തിരക്കഥയൊരുക്കിയ ജോണ്‍ മന്ത്രിക്കല്‍ ആദ്യമായി സംവിധാനം ചെയ്യുന്ന ചിത്രമാണ് ജനമൈത്രി. ചിത്രത്തിന്റെ തിരക്കഥ ജോണ്‍ മന്ത്രിക്കലും ജെയിംസ് സെബാസ്റ്റ്യനും ചേര്‍ന്നാണ് ഒരുക്കിയിരിക്കുന്നത്. മനു മഞ്ജിത്തിന്റെ വരികള്‍ക്ക് ഷാന്‍ റഹമാന്‍ സംഗീതം നല്‍കുന്നു. ഛായാഗ്രഹണം വിഷ്ണുനാരായണന്‍ നമ്പൂതിരി. ഷാന്‍ റഹമാന്റേതാണ് സംഗീതം. ഫ്രൈഡേ ഫിലിം ഹൗസ് എക്‌സ്പിരിമെന്റിന്റെ ബാനറിലാണ് ചിത്രം ഒരുങ്ങുന്നത്.
