മോഡേണ്‍ കാലത്തെ പ്രണയത്തെ കുറിച്ച് മകള്‍ ശ്രുതിയുമായി ചര്‍ച്ച ചെയ്ത ശേഷമാണ് ‘ഇനിമേല്‍’ എന്ന മ്യൂസിക് വീഡിയോക്ക് വരികള്‍ എഴുതിയതെന്ന് കമല്‍ ഹാസന്‍. ലോകേഷ് കനകരാജും നായിക ശ്രുതി ഹാസനും പ്രണയജോടികളായി എത്തിയ മ്യൂസിക് വീഡിയോ നിര്‍മ്മിച്ചത് കമല്‍ ഹാസന്റെ കമ്പനിയായ രാജ് കമല്‍ ഇന്റര്‍നാഷ്ണലാണ്.
”ഏകദേശം 2000 വര്‍ഷങ്ങള്‍ക്ക് മുമ്പ് ചിലപ്പതികാരത്തില്‍ ഇളങ്കോവടികള്‍ എഴുതിയിരുന്നു, ഒരു പ്രണയം എത്ര മനോഹരമായാണ് ആരംഭിക്കുന്നത്, ഒടുവില്‍ അത് എത്ര ഭയാനകമായാണ് അവസാനിക്കുന്നത് എന്ന്. ഇന്നുവരെ അത് ആവര്‍ത്തിക്കുന്ന വിഷയമാണ്.”
”ഇനിമേല്‍ എന്ന ഗാനത്തില്‍ അതാണ് പറയുന്നത്. കഴിഞ്ഞ 50 വര്‍ഷമായി ഞാന്‍ ദൈവമില്ലാതെയാണ് ജീവിച്ചത്, എന്നാല്‍ എനിക്ക് ബന്ധങ്ങള്‍ ഇല്ലാതെ കുറച്ച് മണിക്കൂറുകള്‍ പോലും ജീവിക്കാന്‍ കഴിയില്ല” എന്നാണ് കമല്‍ ഹാസന്‍ പറയുന്നത്.
കമല്‍ ഹാസന്‍ എഴുതിയ വരികള്‍ക്ക് സംഗീതം പകര്‍ന്നിരിക്കുന്നത് ശ്രുതി ഹാസന്‍ ആണ്. ആശയവും ശ്രുതി ഹാസന്റേതാണ്. ദ്വര്‍കേഷ് പ്രഭാകര്‍ ആണ് വീഡിയോയുടെ സംവിധാനം. ഛായാഗ്രഹണം ഭുവന്‍ ഗൌഡ, എഡിറ്റിംഗ് ഫിലോമിന്‍ രാജ്, പ്രൊഡക്ഷന്‍ ഡിസൈനര്‍ ശ്രീറാം അയ്യങ്കാര്‍.
