മമ്മൂട്ടി ചിത്രം മാമാങ്കം തിയേറ്ററുകളില് മികച്ച പ്രേക്ഷക പ്രതികരണം നേടി മുന്നേറുകയാണ്. ഗംഭീര പ്രതികരണങ്ങളാണ് ചിത്രത്തിന് എങ്ങുനിന്നും ലഭിച്ചു കൊണ്ടിരിക്കുന്നത്. ഇപ്പോഴിതാ ചിത്രത്തെ പ്രശംസിച്ച് രംഗത്ത് വന്നിരിക്കുകയാണ് സംവിധായകന് ജീത്തു ജോസഫ്. മലയാളികള്ക്ക് അഭിമാനിക്കാവുന്ന ഒരു ഉഗ്രന് മലയാള ചിത്രമാണ് മാമാങ്കമെന്ന് ജീത്തു ഫെയ്സ്ബുക്കില് കുറിച്ചു.
“മാമാങ്കം കണ്ടു… ചാവേറുകളുടെ ചരിത്രത്തോട് നീതി പുലര്ത്തി, മലയാളികള്ക്ക് അഭിമാനിക്കാവുന്ന ഒരു ഉഗ്രന് മലയാള ചിത്രം സമ്മാനിച്ച മമ്മൂക്കയ്ക്കും പത്മകുമാറിനും കാവ്യ ഫിലിം കമ്പനിക്കും അഭിനന്ദനങ്ങള്…” ജീത്തു ജോസഫ് കുറിപ്പില് പറഞ്ഞു.
എം. പത്മകുമാര് സംവിധാനം ചെയ്ത ചിത്രം നിര്മ്മിച്ചിരിക്കുന്നത് വേണു കുന്നപ്പിള്ളിയാണ്. തിരക്കഥ ഒരുക്കിയത് ശങ്കര് രാമകൃഷ്ണന്. ഉണ്ണി മുകുന്ദന്, കനിഹ, അനു സിത്താര, സിദ്ദീഖ്, തരുണ് അറോറ, സുദേവ് നായര്, സുരേഷ് കൃഷ്ണ, പ്രാചി തെഹ്ലാന്, മാസ്റ്റര് അച്യുതന് എന്നിവരാണ് ചിത്രത്തിലെ പ്രധാന താരങ്ങള്. മനോജ് പിള്ള ഛായാഗ്രഹണം നിര്വഹിക്കുന്ന ചിത്രത്തിന് സംഗീതം ഒരുക്കിയത്് എം. ജയചന്ദ്രന് ആണ്.
Read more
.