മുംബൈ ഗോരെഗാവ് ഈസ്റ്റിലെ ഒബ്റോയ് എക്സ്ക്വിസൈറ്റ് റെസിഡൻഷ്യൽ കോംപ്ലക്സിലുള്ള തന്റെ ലക്ഷ്വറി അപ്പാർട്ട്മെന്റുകൾ വിറ്റ് ബോളിവുഡ് താരം രൺവീർ സിംഗ്.
2014 ൽ ഡിസംബറിൽ 4.64 കോടി രൂപയ്ക്കാണ് രൺവീർ അപ്പാർട്ട്മെന്റുകൾ വാങ്ങിയത്. എന്നാൽ വാങ്ങിയതിന്റെ മൂന്നിരട്ടി വിലയ്ക്കാണ് ഇപ്പോൾ ഫ്ലാറ്റുകൾ വിൽക്കുന്നത്. 15.25 കോടി രൂപയാണ് ഇപ്പോൾ വിറ്റുവരവ് ലഭിച്ചിരിക്കുന്നത് എന്നാണ് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്.
119 കോടി രൂപയോളം നൽകി രൺവീർ സിങ്ങും പങ്കാളി ദീപിക പദുകോണും അടുത്തിടെ ബാന്ദ്ര ബാൻഡ് സ്റ്റാൻഡിലെ സാഗർ രേശം ബിൽഡിംഗിൽ ഒരു വീട് വാങ്ങിയിരുന്നു. അതിന് പിന്നാലെയാണ് ഇപ്പോൾ അപ്പാർട്ട്മെന്റുകൾ വിറ്റത്.
Read more
അമിതാഭ് ബച്ചൻ, സാറാ അലി ഖാൻ, കാർത്തിക് ആര്യൻ, മനോജ് ബാജ്പേയ്, അജയ് ദേവ്ഗൺ, കാജോൾ, പ്രീതി സിന്റ, സൊനാക്ഷി സിൻഹ എന്നിവരുൾപ്പെടെ നിരവധി ബോളിവുഡ് താരങ്ങൾ കഴിഞ്ഞ മാസങ്ങളിൽ വാണിജ്യ ഓഫീസുകൾക്കും റെസിഡൻഷ്യൽ അപ്പാർട്ടുമെന്റുകൾക്ക് വേണ്ടിയും വമ്പൻ നിക്ഷേപങ്ങൾ നടത്തിയത് വലിയ വാർത്തയായിരുന്നു.