തിരുവനന്തപുരം, കൊച്ചി തുടങ്ങി ഇന്ത്യയിലെ പ്രധാന നഗരങ്ങളും ഉള്പ്പെടുത്തി അമ്പരിപ്പിക്കുന്ന ഓഫറുമായി എമിറേറ്റ്സ്. ഈ ഓഫര് പ്രകാരം ലോകത്തിലെ വിവിധ രാജ്യങ്ങളിലെ വിവിധ പ്രദേശങ്ങളില് ഇക്കണോമി, ബിസിനസ് ക്ലാസ് ടിക്കറ്റുകളില് ഇളവ് ലഭിക്കും. ഓഫര് അനുസരിച്ച് ടിക്കറ്റ് നേടാനായി ഇന്ന് മുതല് ബുക്കിങ്ങ് നടത്താം. ഈ മാസം 22വരെ ബുക്കിങ്ങിനു അവസരമുണ്ടായിരിക്കും. ഈ മാസം 12 മുതല് നവംബര് 30 വരെ ഓഫര് പ്രകാരമുള്ള യാത്ര നടത്താന് സാധിക്കും. ഓഫര് അനുസരിച്ചുള്ള നിബന്ധനകള് പ്രകാരമായിരിക്കും യാത്ര.
ഓഫര് പ്രകാരം ദുബായില് നിന്നും കൊച്ചി വരെയും തിരിച്ചും ഇക്കണോമി ക്ലാസ് യാത്ര നടത്താന് 905 ദിര്ഹം (15621 രൂപ) നല്കണം. 985 ദിര്ഹമാണ് തിരുവനന്തപുരം യാത്രയ്ക്കു വേണ്ടി നിശ്ചയിച്ചിരിക്കുന്നത്. ഓഫര് പ്രകാരം രാജ്യത്തെ പ്രധാന നിരക്കുകള് ഇങ്ങനെ: മുംബൈ (905 ദിര്ഹം), ഡല്ഹി (905 ദിര്ഹം), ചെന്നൈ (955 ദിര്ഹം), ഹൈദരബാദ് (1015 ദിര്ഹം), ബെംഗളൂരു (1195 ദിര്ഹം), അഹമ്മദബാദ് (1305 ദിര്ഹം), കൊല്ക്കത്ത (1395 ദിര്ഹം).
ഇന്ത്യയ്ക്ക് പുറത്തുള്ള മറ്റു രാജ്യങ്ങളിലേക്ക് ദുബായില് നിന്നുള്ള ഓഫര് അനുസരിച്ചുള്ള നിരക്ക് ഇങ്ങനെ:
Read more
കുവൈത്ത് (825 ദിര്ഹം), ബഹ്റൈന് (925 ദിര്ഹം), മസ്കത്ത് (945 ദിര്ഹം), ദമാമം (1035 ദിര്ഹം), റിയാദ് (1145 ദിര്ഹം), ജിദ്ദ (1245 ദിര്ഹം), ബാങ്കോക്ക് (2245 ദിര്ഹം), ന്യൂയോര്ക്ക് (3535 ദിര്ഹം), ഇസ്ലാമാബാദ് (1035 ദിര്ഹം). ഓഫറും നിബന്ധനങ്ങളും അറിയാന് എമിറേറ്റ്സിന്റെ വെബ്സൈറ്റ് സന്ദര്ശിക്കുക.