സ്ത്രീ വോട്ടുകള് എങ്ങോട്ട് വീഴുന്നുവെന്നതാണ് രാജ്യത്തെ തിരഞ്ഞെടുപ്പുകളെ നിര്ണായകമാക്കുന്നതെന്ന് കഴിഞ്ഞ കുറച്ചു വര്ഷങ്ങളായി മുന്നണികളുടെ പ്രകടനപത്രികയില് നിന്ന് തന്നെ വ്യക്തമാണ്. പോളിംഗ് ശതമാനത്തില് വിട്ടുപോയ ഭാഗങ്ങളിലെ കൂടിച്ചേരലുകള് വലിയ മാറ്റം സൃഷ്ടിക്കുന്നുവെന്ന് കണ്ട് പ്രകടനപത്രികളില് ബേട്ടിയും ദീദിയും നാരിയും മഹിളയുമെല്ലാം ചേര്ന്ന പ്രഖ്യാപനങ്ങള് സ്ഥിരം അടവുകളായി മാറി കഴിഞ്ഞു. ഈ ഷിഫ്റ്റില് വലിയ രീതിയില് തന്നെ ലക്ഷ്യംവെച്ചു നീങ്ങിയ പാര്ട്ടി ബിജെപിയായിരുന്നു.
Read more
2014ല് 33 ശതമാനം സ്ത്രീ സംവരണം പാര്ലമെന്റിലും നിയമസഭകളിലും പ്രഖ്യാപിച്ചാണ് ബിജെപി ദേശീയ തലത്തില് തിരഞ്ഞെടുപ്പ് പിടിക്കുന്നത്. കാര്യം ഇതുവരെ പ്രാവര്ത്തികമായിട്ടില്ലെങ്കിലും 2023ന് നാരീ ശക്തി വന്ദന് ബില്ല് സര്ക്കാര് പാസാക്കിയെടുത്തു. 2014ല് പറഞ്ഞ 33 ശതമാനം സംവരണം ഇനി 2029 ലോക്സഭ തിരഞ്ഞെടുപ്പില് ശരിയാക്കിയെടുക്കാമെന്നാണ് ഇപ്പോള് പറയുന്നത്. ഗ്യാസ് സിലണ്ടറിലെ ഉജ്വല യോജന കാലങ്ങള്ക്ക് മുന്നേ പെട്രോള് പമ്പിലെ ബാന്നറുകളില് വലിയ ചിത്രമായെങ്കിലും പലപ്പോഴും വാര്ത്തകളില് നിറഞ്ഞത് ഉദ്ദേശിച്ച ഫലം കിട്ടാതെ വാഗ്ദാനം മാത്രമായി നിന്നത് കൊണ്ടാണ്. അടുത്തിടെ ചര്ച്ചയായത് ഡല്ഹി തിരഞ്ഞെടുപ്പിലെ സൗജന്യ ദീവാലി സിലണ്ടര് വാഗ്ദാനത്തിന്റെ പേരിലാണ്. ബിജെപി അധികാരത്തില് വന്നാല് സിലണ്ടര് ഫ്രീ തരാം എന്ന് ദീപാവലി ഓഫറില് പറഞ്ഞത് കിട്ടാതെ വന്നപ്പോള് ഗ്യാസ് വണ്ടി തടഞ്ഞു ഡല്ഹിയിലെ പെണ്ണുങ്ങള് സിലണ്ടറുകള് തൂക്കിയെടുത്തുകണ്ട് പോയപ്പോഴാണ്.
